Búgin Japonııanyń Sapporo qalasynda VIII Qysqy Azııa oıyndarynyń resmı túrde saltanatty ashylý rásimi ótti, dep habarlaıdy Sapporodan QazAqparat tilshisi.
Azıada oıyndarynyń sherýinde elimizdiń Týyn shańǵy jarysynan bes dúrkin Qazaqstan chempıony, Sochı Olımpıadasynyń qatysýshysy Erdos Ahmadıev ustap shyqty.
VIII Qysqy Azıada oıyndary Japonııanyń Sapporo qalasynda 19-26 aqpan aralyǵynda ótedi. Jalpy, jarysta 31 eldiń sportshylary 11 sport túrinen 64 medal jıyntyǵyn sarapqa salady. Bul bási bıik dodaǵa elimizdiń namysyn qorǵaýǵa 153 sportshy keldi.
Esterińizge sala keteıik, 2011 jyly Astana men Almaty qalasynda qatar ótken VII qysqy Azııada oıyndarynda Qazaqstan sportshylary 32 altyn, 21 kúmis, 17 qola júlde enshilegen bolatyn. Osylaısha jalpy komandalyq esepte birinshi oryn alǵanymen qosa, Qysqy Azııa oıyndaryndaǵy eń kóp altyn ıemdengen elge aınaldy.
"Adyrna" kz
