«Aida ornalasqan ǧaryştyq lift qoljetımdı materialdardan jasalady, jäne ony damytuǧa jetkılıktı qarjy jūmsalsa, lift 2020 jylǧa deiın salynuy mümkın» degen aqparat 2010 jyly jariialanǧan bolatyn. Arada on jyl uaqyt öttı. Aidaǧy lift qaşan ıske qosylady? Būl sūraqqa "Adyrna" ūlttyq portalynyŋ tılşısı jauap ızdedı.
Lein «LiftPort» tobyn 2003 jyly qūrdy. Bastapqyda kompaniia ǧaryş liftınıŋ jalpy tūjyrymdamasyn äzırleumen ainalysty: LiftPort robottary äue şarlaryna bekıtılgen arnaiy kabelge şyqqan biıktık rekordy - 460 metr.
2007 jyly qarjylyq qiyndyqtardan keiın LiftPort Group «ai liftın» damytuǧa qadam jasady.
«Bız būl mäselenı jetkılıktı därejede zerttedık. Taqyryp qoljetımdı, qyzyqty jäne erte me, keş pe jasalatyn dünie. Sondyqtan bız būny jüzege asyramyz», - dedı Lein, Universe Today keltırgen aqparatta.
Ai liftı äzırleuşılerdıŋ aituy boiynşa, ǧaryş apparattaryn Aiǧa jetkızuge aitarlyqtai qarajat ünemdeidı. Sondai-aq bolaşaqta - jer serıgınde ūzaq saparlar ötkızu üşın özındık «janarmai qūiu stansiiasyn» qūruǧa mümkındık beredı. Lift dizainy aidyŋ betınde jäne ǧaryş keŋıstıgınde Lagranj nüktesı L1 dep atalatyn aimaqta oryn alady.
Äzırleuşınıŋ aituy boiynşa, ai liftın jasau jerdegıge qaraǧanda oŋai jäne arzan eken.
Alaida, Lein atap ötkendei, joba belgılı bır qiyndyqtarǧa tap bolǧan. Atap aitqanda, qūrylysty Jer liftındei emes, ǧaryşta aiaqtau men modernizasiialau qajet bolǧandyqtan, bolaşaqta joba odan da qymbat bolyp, ūzaqqa sozyluy mümkın.
Inju ÖMIRZAQ,
"Adyrna" ūlttyq portaly
