25 jastaǧy Äkımhan Mäjenov Ufada ötken "Iаŋy Moŋ" halyqaralyq muzykalyq televiziialyq baiqauynda Qazaqstannyŋ namysyn qorǧaidy, dep habarlaidy "Adyrna" ūlttyq portaly.
Qazaqstandyq jıgıt 16 jasynan bastap sahnada än aitady. Ol halyqaralyq jäne respublikalyq baiqaulardyŋ laureaty. Qazırgı taŋda Qazaq ūlttyq öner universitetınıŋ 4-kursynda oqidy. Äkımhan - Nūr-Sūltandaǧy Memlekettık akademiialyq filarmoniianyŋ solisı.
Baiqaudyŋ ekınşı ainalymynda ol qazylar alqasy qūramynda bolǧan Valerii Meladzenıŋ «Aktrisa» änın oryndady.
"Maǧan ärdaiym qatty dauyspen än aitu oŋai dep aitatyn. Al aqyryn än aitu öte qiyn. Sız eşqaşan aiqaiǧa, şekten tys şyrqauǧa auysqan emessız. Är şyrqaǧan dauysyŋyzda sonşama küş bar. Bırde-bır laqtyrylǧan, qate ärı kezdeisoq aitylǧan notalar bolǧan joq. Sızdıŋ basyŋyzda kompiuter bar ma, joq pa? Bıraq är nota öte näzık öŋdeldı. Būl taŋqalarlyq", dedı Meladze qazaqstandyqtyŋ oryndauyna.
Sondai-aq, qazylar alqasynyŋ qūramyna tatar-başqūrt estrada ärtısı Elvin Grei, prodiuser Lina Arifulina, änşı Gülnaz Asaeva jäne Başqūrtstannyŋ halyq ärtısı Azat Ziganşin boldy.
"Adyrna" ūlttyq portaly
Ūqsas jaŋalyqtar
