Qūrmanǧazy atyndaǧy Qazaq ūlttyq halyq aspaptar orkestrı jyl saiyn dästürlı türde ötetın «Orkestr tünı» jobasyn ūiymdastyrdy. Alǧaş ret 2019 jyly «Orkestr tünı: Älemdık hitter» atauymen tūsauy kesılgen joba biyl Qūrmanǧazy orkestrınıŋ 90 mausymy jäne 90 jyldyq mereitoiy aiasynda ötkızıldı. Ūlttyq orkestrdıŋ «Orkestr tünı» jobasy – elımızdegı qazaq orkestrlerınıŋ arasyndaǧy alǧaşqy joba.
Keşte önersüier qauym üşın älemnıŋ eŋ üzdık şyǧarmalary oryndaldy. Qūrmanǧazy orkestrı klassikalyq jäne qazaq küilerınen jinaqtalǧan tuyndylardy oryndau arqyly älemdık mädeniettıŋ igı dästürlerın saqtauǧa tyrysady.
Qūrmanǧazy orkestrınıŋ köp küttırgen «Orkestr tünı» jobasy biyl da joǧary deŋgeide ötude. Ekı künge sozylatyn airyqşa keşte QR eŋbek sıŋırgen qairatkerı Rüstem Nūrjıgıt, «Alaşūly» toby, «Qazaqstan dauysy» jobasynyŋ qatysuşysy, körermen köz aiymyna ainalǧan Tolǧanai Pazylaqyn jäne Mädeniet salasynyŋ üzdıgı Äsel Älımbaeva, Halyqaralyq konkurstardyŋ laureaty Ajar Erkebūlanova jäne Qūrmanǧazy atyndaǧy Qazaq ūlttyq konservatoriiasynyŋ studenttık ürmelı aspaptar orkestrı öner körsettı.
Sapaly käsıbi muzykany halyqqa qol jetımdı etu arqyly qaitalanbas muzykalyq baǧdarlamalar ūsynudy basty maqsat tūtatyn Qūrmanǧazy orkestrı körermen qauymǧa jaŋa jobalardy ūsynuda. Qazaq orkestrlerınıŋ arasynda alǧaş ret Qūrmanǧazy orkestrınıŋ ūiymdastyruymen bastau alǧan būl joba osynyŋ aiqyn aiǧaǧy. Bügıngı konsertte oryndalǧan är tuyndy – älemdık şyǧarmalardyŋ ışındegı şoqtyǧy biık tuyndy deuge bolady.
«Orkestr tünı» jobasynyŋ ekınşı bölımı 3 qaraşa künı saǧat 21.00-de ötedı.
