Elımızde ömırge keletın ärbır 9-şy säbidıŋ kındıgı Almaty perzenthanalarynda kesıledı. Būl turaly Almaty qalasy Densaulyq saqtau basqarmasy keŋeitılgen alqa keŋesı otyrysynyŋ qorytyndysynda baiandaldy.
Almaty - elımızdegı halyq köp şoǧyrlanǧan alyp şahar. 2016 jyly 43 myŋ näreste tusa, onyŋ 5-euı üşem, 532-sı - egızder. Iаǧni, Almaty perzenthanalarynda täulıgıne 100-den astam ana böbegın bauyryna basady.
Sonymen qatar, Densaulyq saqtau basqarmasy baspasöz qyzmetınıŋ mälımdeuınşe, Almatyda qyzmet körsetu naryǧynda bäsekege qabılettılıktı däleldei alǧan qalanyŋ densaulyq saqtau salasynda innovasiialyq damu qarqyny tūraqty artyp keledı.
«Qala emhanalarynda medisina qyzmetkerlerınıŋ jūmysyn jeŋıldetetın jäne pasientterge barynşa qolaily jaǧdai tuǧyzatyn 15 baǧdarlamalyq innovasiialyq tehnologiialar men elektrondyq şeşımder («Elektrondy tırkeu», «Syrqattanu paraǧy», «Fliuoroteka», «İmmundyq profilaktika», «Aqparattyq düŋgırşekter», «Basşy keisı», Qalalyq glaukoma ortalyǧynyŋ baǧdarlamalyq modulı jäne t.b) qyzmet atqarady.
Aita keteiık, 2016 jyly Almaty qalasynyŋ densaulyq saqtau jüiesı Qazaqstan Respublikasynyŋ densaulyq saqtau salasyn damytudyŋ «Densaulyq» memlekettık baǧdarlamasy men Almaty qalasynyŋ äkımdıgı bekıtken Öŋırlık ıs-şaralar josparyn ıske asyrudy bastady.
Densaulyq basqarmasynyŋ habarlauynşa, jyl ışınde medisinalyq kömek körsetudıŋ negızgı indikatorlarynyŋ jaqsy körsetkışterıne qol jetkızdı. «Qala tūrǧyndarynyŋ tuu körsetkışı 18%-ǧa östı (1000 adamǧa şaqqanda 1991 jyly 15,8-den 2015 jyly 17,52-ge deiın), Qazaqstan Respublikasy boiynşa 8,2%-ǧa östı; jalpy ölım körsetkışı 28%-ǧa (1000 adamǧa şaqqanda 8,6-dan 6,34-ke deiın), Qazaqstan Respublikasy boiynşa 6%-ǧa tömendedı, halyqtyŋ tabiǧi ösımı 2 esege deiın artty (1000 adamǧa şaqqanda 7,2-den 11,41-ge deiın), Qazaqstan Respublikasy boiynşa 17%-ǧa artty, ana ölımı 33 esege (100 myŋ tırı tuǧanǧa şaqqanda 78,4-ten 2,4-ke deiın), Qazaqstan Respublikasy boiynşa 5,4 esege tömendedı, näreste ölımı 3,2 esege (100 myŋ tırı tuǧanǧa şaqqanda 22,9-dan 7,2-ge deiın), Qazaqstan Respublikasy boiynşa 3 esege tömendedı.
Qala tūrǧyndarynyŋ qan ainalymy jüiesınen bolatyn ölımı 3,2 esege deiın (100 myŋ adamǧa şaqqanda 443,5-ten 139,5-ke deiın), Qazaqstan Respublikasy boiynşa 1,9-ǧa deiın tömendedı, qaterlı ısıkten bolatyn ölım körsetkışı 45%-ǧa (100 myŋ adamǧa şaqqanda 171,0-nan 94,3-ke deiın), Qazaqstan Respublikasy boiynşa 33%-ǧa tömendedı. Jazataiym oqiǧalardan, jaraqattardan jäne ulanudan bolatyn ölım 47%-ǧa (100 myŋ adamǧa şaqqanda 100,5-ten 53,4-ke deiın), Qazaqstan Respublikasy boiynşa 23%-ǧa tömendedı. Kütıletın ömır süru ūzaqtyǧy 5,2 jylǧa östı (70 jastan 75,2 jasqa deiın), Qazaqstan Respublikasy boiynşa 4,4 jylǧa (67,6-dan 72 jasqa deiın) östı.
Basqa materialdar
Adyrna.kz ūlttyq portalynyŋ maŋyzdy aqparattaryna jazylu
Soŋǧy jaŋalyqtar turaly habardar bolyŋyz