Óskemen qalasynda kópqabatty turǵyn úıdiń turǵyndary qaýipsiz jerge shyǵaryldy, dep habarlady Altaynews.kz.
Turǵyndar gaz ıisiniń qatty sezilýine baılanysty qutqarýshylardan kómek surady. Oqıǵa ornyna kelgen ShQO tótenshe jaǵdaılar departamentiniń qyzmetkerleri qaýipsizdik maqsatynda jedel túrde 40 azamatty, onyń ishinde 9 balany evakýaııalady.
Úıdi teksergennen keıin qutqarýshylar úıdiń jertólesinen 3 ottegi men 3 gaz ballonyn alyp shyqty.
Órt qaýipsizdigi erejelerin buzǵany úshin úıge qyzmet kórsetetin uıymnyń qyzmetkeri ákimshilik jaýapkershilikke tartyldy.
"Qutqarýshylar jertóleni jeldetip, qaýip seıilgenine kóz jetkizgen soń turǵyndarǵa páterlerine oralýǵa ruqsat berdi. TJD órt qaýipsizdigi erejelerin buzǵany úshin jaýapkershilik kózdelgenin eske salady, - dep habarlady departamenttiń baspasóz qyzmeti.
Aıta keteıik, gaz ballondaryn turǵyn úılerdiń jertóle úı-jaılarynda saqtaýǵa qatań tyıym salynady. Tótenshe jaǵdaı týyndaǵan kezde 112 nómirine habarlasý kerek.
