Resei 22 jyl jalǧa alǧan jerlerdı Qazaqstanǧa qaitaryp jatyr. QR Qorǧanys ministrlıgınıŋ ökılderı būl jerlerdıŋ qandai maqsatta paidalanatynyn aityp berdı, - dep habarlaidy "Adyrna kz" kaz.tengrinews.kz portalyna sılteme jasap.
"Bır jaǧynan poligondy jalǧa beru üşın tölenetın 717 myŋ dollar (jylyna - avt.) paidadan qaǧylyp qalǧandaimyz. Al negızınen būl jerlerdı auylşaruaşylyǧy, paidaly qazbalardy barlau men öndıru maqsatynda paidalanu ekonomikalyq tūrǧyda tiımdırek bolady dep oilaimyn", - deidı QR Qorǧanys ministrınıŋ orynbasary Talǧat Mūhtarov jurnalisterge.
Sonymen bırge, poligon aumaǧynyŋ ekologiialyq jaǧdaiyn zertteu üşın arnaiy komissiia qūrylǧany aityldy.
"Ǧaryştan tüsırılım jasaldy, poligon aumaǧy äueden barlandy, jerdıŋ qūramy saraptamaǧa jıberıldı. Saraptama qorytyndysy adamdar men januarlar, jalpy ekologiiaǧa eşqandai ziian joǧy anyqtaldy", - dep atap öttı Mūhtarov.
Eske salaiyq, Resei 22 jylǧa jalǧa alǧan Aqtöbe oblysyndaǧy 300 myŋ gektarlyq Embı poligonyn qaitarady. Jalǧa alu kelısımınıŋ merzımı 2017 jyldyŋ 1 qaŋtarynda aiaqtaldy. Mūnyŋ aldynda Resei Qazaqstanǧa poligon aumaǧyndaǧy jyljymaly jäne jyljymaityn mülıktı qaitarǧan bolatyn. Sonyŋ ışınde kazarmalyq 15 ǧimarat bar.
"Adyrna". kz
