Ekı büiregı de ısten şyqqan äiel denı sau säbidı ömırge alyp keldı, dep habarlaidy "Adyrna" ūlttyq portaly "Astana telearnasyna" sılteme jasap.
Talandy Berkımbaidyŋ ömırı 2 jyldan berı gemodializge bailanǧan. 2019 jyly sätsız jüktılıkten keiın onyŋ ekı büiregı de ısten şyqty. Bıraq ana boluǧa degen qūlşynys ömırıne töngen qauıpten küştı boldy.
Talandy 3 nauryzda jüktılıktıŋ 7 aiynda ūl tudy. Bala öte kışkentai boldy, salmaǧy bır kelıge de jetpedı. Näreste bır ai därıgerlerdıŋ baqylauynda boldy. Qazır ol qajettı salmaqty jinap, üiıne şyqty.
"Olar bolmaidy dedı, bıraq men balany qalaǧandyqtan üzıldı-kesıldı bas tarttym. Basynda qorqynyşty boldy. Sodan keiın ony özımde sezıne bastaǧanda, maǧan bärıbır boldy. Būl köpten kütken bala, būl qalaumen tuǧan bala", - dedı Talandy Berkımbai.Därıgerlerdıŋ aituynşa, mūndai diagnozy bar äielderge bala köteruge bolmaidy. Būl jaǧdaida sau bala tuudyŋ mümkındıgı myŋ adamnyŋ bırıne būiyrady. Sondyqtan pasientınıŋ jaǧdaiyn bılgen därıgerler qarsy boldy.
"Konsilium jinaldy, ärine, qoldaǧandar da, qarsy şyqqandar da boldy. Bıraq olar bır pıkırge kelıp, jaqsy nätijege qol jetkızdı. Bala da özın keremet sezınedı. Salmaq jinap jatyr, bır jarym kilogramm boldy. Bärımız öte quanyştymyz", - dedı nefrolog Muminat Stepanenko.Aita keteiık, Aqtöbe oblysynda 10 jyldan astam uaqyttan berı mūndai jaǧdai tırkelmegen.
Ūqsas jaŋalyqtar
