Marat Ahmetjanov Sybailas jemqorlyqqa qarsy qyzmettıŋ töraǧasy bolyp taǧaiyndaldy, - dep habarlaidy "Adyrna" ūlttyq portaly Aqordanyŋ resmi saityna sılteme jasap.
«Ahmetjanov Marat Mūratūly Qazaqstan Respublikasynyŋ Sybailas jemqorlyqqa qarsy ıs-qimyl agenttıgınıŋ (Sybailas jemqorlyqqa qarsy qyzmet) töraǧasy bolyp taǧaiyndalsyn», - delıngen Prezident jarlyǧynda.Ol Bas prokurordyŋ orynbasary qyzmetınen bosatyldy. Alik Şpekbaev Sybailas jemqorlyqqa qarsy qyzmetten kettı. Marat Ahmetjanov 1964 jyly 22 jeltoqsanda düniege kelgen. Böketov atyndaǧy Qaraǧandy memlekettık universitetınıŋ zaŋ fakultetın bıtırgen. Eŋbek jolyn 1991 jyly bastady, sodan keiın Temırtau prokuraturasynda tergeuşı bolyp jūmys ıstedı. 1993-1996 jyldary - Bas prokuraturanyŋ janyndaǧy sybailas jemqorlyqqa qarsy ıs-qimyl jönındegı arnaiy prokuraturanyŋ erekşe maŋyzdy ıster jönındegı aǧa tergeuşısı, Bas prokuraturanyŋ erekşe qauıptı qylmystardy tergeu jönındegı basqarmasy aimaqtyq tergeuşıler bölımınıŋ bastyǧy. 1996-1997 jyldary - Memlekettık tergeu komitetınıŋ erekşe qauıptı qylmystardy tergeu bölımınıŋ bastyǧy, Memlekettık tergeu komitetı äskeri tergeu basqarmasy bölımınıŋ bastyǧy. 1997-1998 - Işkı ıster ministrlıgı Äskeri tergeu basqarmasy bölımınıŋ bastyǧy. 1998-2001 jyldary - Ädılet ministrlıgı Tergeu departamentı direktorynyŋ orynbasary jäne Sot şeşımderın oryndau komitetı töraǧasynyŋ orynbasary. 2001 jyly - Bas prokuraturanyŋ tergeu jäne anyqtau organdaryndaǧy zaŋdylyqty qadaǧalau bölımınıŋ bastyǧy. 2003 jyldan 2006 jylǧa deiın - Pavlodar oblysynyŋ prokurory. 2006-2009 jyldary - Oŋtüstık Qazaqstan oblysynyŋ prokurory. 2009-2012 jyldary - Bas prokuraturanyŋ qūqyqtyq statistika jäne arnaiy esepke alu jönındegı komitetınıŋ töraǧasy. 2012 jyly - Qazaqstan Respublikasy Ekonomikalyq qylmysqa jäne sybailas jemqorlyqqa qarsy küres agenttıgı töraǧasynyŋ orynbasary. 2014-2016 jyldary - Atyrau oblysy boiynşa memlekettık qyzmet ısterı jäne sybailas jemqorlyqqa qarsy ıs-qimyl departamentınıŋ bastyǧy, sybailas jemqorlyqqa qarsy ıs-qimyl ūlttyq biurosynyŋ Atyrau oblysy boiynşa departamentınıŋ bastyǧy. 2016 jyldyŋ 2 mausymynan bastap Qazaqstan Bas Prokurorynyŋ orynbasary bolyp jūmys ıstedı.
"Adyrna" ūlttyq portaly
Ūqsas jaŋalyqtar
