Zamanýı zaýyt qoldaýsyz emes

4259
Adyrna.kz Telegram

Myqty ekonomıkanyń negizi - joǵary ústeme quny bar ártaraptandyrylǵan ónim óndirisi. Mundaı óndirýshilerge oblystaǵy kásiporyndardyń biri – «Baǵashar Meken» JShS jatady.

Kompanııa naryqta 2009 jyldan beri jumys isteıdi jáne eýropalyq standarttarǵa sáıkes ónim shyǵarady. Kásiporynda avtokólikterge arnalǵan etılenglıkol negizindegi antıfrız, tosol, salqyndatqysh shyǵarylady jáne alǵashqy otandyq óndirýshi bolyp sanalady. Seriktestikte táýligine 200 tonnaǵa deıin, maýsymdyq kezeńde 3 000 tonnaǵa deıin ónim óndiriledi.

Óndiriste 120 adam jumys isteıdi. Ónimderi naryqqa NORD, ALFA, Z-COOL markaly antıfrız, «Teplyı dom» jylý tasymaldaǵyshy, «Sever-40» tosoly brendterimen usynylady.

Sheteldik brendter tarapynan básekelestikke qaramastan atalǵan kompanııa ónimderi joǵary sapaly sıpattamalarynyń arqasynda avtohımııalyq ónimderdiń bólshek saýda naryǵynda óz ornyn tapty. Qazirgi tańda kásiporyn óndiris kólemin ulǵaıtyp, ósip keledi. Dese de nesıe alyp aınalym kapıtalyn tolyqtyrý qajet.

- Bizge jeńildikti sharttarmen nesıe alýǵa memlekettik qoldaý kómektesedi. Osylaısha, sýbsıdııalaýdyń arqasynda «Alfabank» EB AQ-da alynǵan kredıt boıynsha syıaqy mólsherlemesin «Damý» qory 14 paıyzdan 6 paıyzǵa deıin tómendetti. Qordyń nesıe somasynyń 39 paıyz mólsherindegi kepildiginiń arqasynda biz qajetti kólemde nesıege qol jetkizdik», – deıdi kompanııa dırektory Igor Poezjalov.

Atalǵan seriktestik «Bıznestiń jol kartasy – 2025» baǵdarlamasy aıasynda memlekettik qoldaýǵa ıe boldy.

Pikirler