Batys Qazaqstan oblysynyŋ Terektı audanyndaǧy muzykalyq mekteptıŋ meŋgeruşısı tiktok tüsırgenı üşın jūmysynan quyldy, dep habarlady "Astana" arnasy.
Bilep jürıp, bır sätte jūmyssyzdardyŋ qataryna qosylǧan Sanduǧaş Bisenǧalieva basşysynyŋ būl şeşımımen kelıspeidı. Aituynşa, būǧan direktormen aradaǧy arazdyq sebep bolypty. Sanduǧaş Bisenǧalieva mektep direktory men bas esepşınıŋ aqşa jymqyrǧanyn aŋǧarypty.
Osylaişa qūzyrly organdarǧa aryzdanǧan. Audittık tekseru kezınde mektep basşylyǧynyŋ 26 million teŋge ūrlaǧany anyqtalǧan. Sodan keiın direktor qyr soŋymnan qudalap, qalai da öş aluǧa tyrysty deidı jūmyssyz ūstaz.
"Qaŋtarda qarjy polisiiasyna aryz berdık, sodan berı syiǧyzbady. Ornyŋnan alyp tastaimyn, būl jūmysty ıstemeisıŋ dedı! Tik-toktaǧy menıŋ privatnyi akkauntym. Oquşylarymmen bırge tüsemın. Än aitamyn, onyŋ üstıne bişımın ǧoi. Bır künde jūmystan şyǧaryp tastauy menıŋ 25 jyldyq eŋbegımdı joqqa şyǧarǧany ǧoi", - deidı Sanduǧaş Bisenǧalieva.Ädıldık ızdegen mūǧalım Terektı audandyq bılım bölımı men eŋbek inspeksiiasyna şaǧymdanǧan. Öitkenı kek aluǧa tyrysqan mektep direktory zaŋdy belden basyp, bır künde bırneşe ret sögıs jariialapty. Tıptı auyryp üiınde jatsa da, jūmystan şyǧaryp jıbergen. "Osylaişa direktor tiktoktaǧy videomdy terıs maqsatta türlı uatsap-toptarǧa taratyp, küie jaǧuǧa tyrysty. Jeke videomdy köptıŋ talqysyna ūsynyp, etika ädebınen attap kettı" deidı küiıngen ūstaz. Mūny audandyq bılım bölımı rastap otyr.
"Mektep direktory öz qyzmetkerın jūmystan şyǧarmastan būryn, bılım bölımın eskertuı kerek. Bıraq ol būl turaly tıs jarmady. Sondyqtan direktory qyzmet babyn asyra paidalandy dep sanaimyn. Ärı adamnyŋ jeke videosyn taratuǧa bolmaidy. Tuyndaǧan daudy zaŋ aiasynda şeşuge tyrysamyz", - deidı Terektı audandyq bılım bölımınıŋ meŋgeruşısı Janargül Qūsaiynova.
Ūqsas jaŋalyqtar
