Nūrsūltan Nazarbaev qorynyŋ direktory, Qazaqstan Respublikasy Parlamentı Mäjılısınıŋ deputaty Dariǧa Nazarbaeva men Almaty oblysynyŋ äkımı Amandyq Batalov Jambyl audanyna keldı.
Äuelı olar audan ortalyǧyndaǧy erekşe qajettılıkterı bar balalarǧa arnalǧan «Qamqorlyq» oŋaltu ortalyǧymen tanysty. Būl ortalyq jeltoqsan aiynda Täuelsızdık künı merekesı qarsaŋynda Qazaqstan Respublikasynyŋ Tūŋǧyş Prezidentı – Elbasy Nūrsūltan Nazarbaevtyŋ qatysuymen Elordada ötken «Täuelsızdık jolyn jalǧastyrar ūrpaq» atty forum aiasynda aşylǧan bolatyn. Sol forumda Almaty, Atyrau, Batys Qazaqstan, Jambyl, Qostanai, Türkıstan, Şyǧys Qazaqstan oblystary men Nūr-Sūltan qalasynda segız oŋaltu ortalyǧynyŋ tūsauy kesılgen edı. Elbasy bastamasymen aşylǧan «Qamqorlyq» ortalyqtarynda sodan bergı tört aida 1 186 bala oŋaltu kursynan öttı.
Dariǧa Nūrsūltanqyzyn «Qamqorlyq» oŋaltu ortalyǧynyŋ jūmysymen onyŋ meŋgeruşısı Äsel Sauryqova tanystyrdy. Märtebelı meiman qajettı qūraldarmen jabdyqtalǧan onnan astam bölmenı mūqiiat aralap şyǧyp, onda emdık şaralar qabyldap jatqan balalarmen jäne ata-analarmen tıldestı.
Audandyq ortalyq auruhana ǧimaratynyŋ ekı qabatynda ornalasqan ortalyqtyŋ aumaǧy - 800 şarşy metr. Mūnda serebraldy paralich, autizm, epilepsiia, aqyl-oiy kem, söileu tılı damymaǧan, bronhökpe men jürek-qan tamyrlary jüiesı aurulary bar balalar em qabyldaidy. İnnovasiialyq tehnologiialarǧa negızdelgen sapaly ärı tiımdı, keşendı oŋaltudan ötuge jaǧdai jasalǧan. Balalar men ata-analar medisinalyq emdeu şaralary, tüzetu sabaqtary, oiynmen sauyqtyru bölmelerımen qamtylǧan.
Mūnda qazırgı taŋda Jambyl jäne oǧan jaqyn maŋdaǧy audandarmen qatar Almaty qalasynan jäne özge de oblystan kelgen 50 bala ata-anasymen bırge oŋaltudan ötıp jatyr. Osynda serebraldy sal auruyna şaldyqqan bır jarym jastaǧy Batyrhannyŋ anasy mekeme jūmysyna dän riza ekenın bıldırdı. Maŋǧystau oblysynyŋ tūrǧyny bır kezderı Ūzynaǧaşta tūrǧan jäne «Qamqorlyq» ortalyǧynyŋ aşyluyn bılgen äjesınıŋ aituymen arnaiy kelgen eken. Kelınşek Nūrsūltan Nazarbaev qorynyŋ direktoryna erekşe qajettılıgı bar balalar men olardyŋ ata-analaryna körsetken osyndai kömegı üşın şyn jürekten alǧys aityp, ūlynyŋ oŋaltudan keiıngı jaǧdaiyn baiandady. Qazır balasy selqos jatudy qoiǧan, tösekten özdıgınen tüsıp, aiaǧyn jerge tırei alady, eŋbekteuge tyrysady.
- Mūnda üş aptalyq kurstan ötıp jatyrmyz, bızge bärı öte ūnady. Barlyq jerde em-dom qabyldau aqyly ärı bız üşın öte qymbat. Al tegınıne ūzyn-sonar kezektıŋ kesırınen kıre almaimyz. Al būl jaŋa ortalyqta barlyǧy joǧary deŋgeide ärı tegın. Eŋ äuelı ortalyqtyŋ mamandaryna alǧys aitamyn. Talai jerde boldyq, salystyryp aitarymyz bar. Būl eŋ üzdık ortalyq, - dep Aialanyŋ anasy Jıbek Qani da äserımen bölıstı.Jetı jastaǧy Nūrsūltan Şerälınıŋ äjesı Fatima apai da keşen mamandarynyŋ joǧary käsıbilıgıne täntı.
«Nemerem 15 kün boiy oŋaltu kursynan ötıp jatyr. Aiaǧyn basa almaityn. Qazır em-şaranyŋ arqasynda qaz-qaz basyp keledı. Revmatolog, massaj, terapiia syndy öte jaqsy keşendı em aluda», - dedı ol. - Būl 2020 jyly Elbasynyŋ bastamasymen «Qamqorlyq» jobasy aiasynda aşylǧan 8 oŋaltu ortalyǧynyŋ bırı. Biyl Nūrsūltan Nazarbaev qory osy baǧdarlamanyŋ bırınşı kezeŋın ıske asyru barysynda jinaqtalǧan täjıribenı qoldana otyryp, oŋaltu modelın basqa aimaqtarda paidalanuda. Şaǧyn qalalar men audan ortalyqtarynda qosymşa 10 ortalyq aşu josparda. Oŋaltu qyzmetınıŋ sapasyn arttyryp, ortalyq jūmysynyŋ tūraqtylyǧyn qamtamasyz etetın mamandar daiarlauǧa basa män berıp otyrmyz, – dedı tılşılerge sūhbat bergen «Qamqorlyq qory» korporativtık qorynyŋ direktory Arailym Erkınova.Jalpy, Qazaqstan Respublikasynyŋ Tūŋǧyş Prezidentı N.Nazarbaevtyŋ bastamasyn jüzege asyru barysynda 2020 jyldyŋ jeltoqsanynan 2021 jyldyŋ nauryzyna deiıngı aralyqta segız «Qamqorlyq» ortalyǧynda 1186 bala em-şara aldy. Osy oŋaltu ortalyqtarynda 98 bala basyn ūstaudy, 145 bala qolmen süienudı, 178-ı ūstaudy, 93-ı otyrudy, 112-sı qolyn jerge tırep jürudı, 111-ı eŋbekteudı, 139-y tıreumen tūrudy, 60-y özdıgımen tūrudy, 91-ı tıreumen jürudı jäne 30-y jürudı üirendı. Biyl Aqtöbe, Aqmola, Almaty, Türkıstan, Jambyl, Maŋǧystau, Qyzylorda jäne Şyǧys Qazaqstan oblystarynda taǧy 8 oŋaltu ortalyǧy men 2 erte aralasu ortalyǧyn aşu josparlanuda. Jalpy, būl bastamanyŋ ekınşı kezeŋın ıske asyru jylyna 11 000 balany oŋaltuǧa mümkındık beredı.
- Būl mekeme aşylǧanǧa deiın osy audandaǧy balalar Almaty, Nūr-Sūltan qalalarynan em alu üşın ailap-jyldap portal kütetın, - deidı Ūzynaǧaştaǧy ortalyq meŋgeruşısı Äsel Qanatqyzy. – Endı olar üşın osyndai qyzmet üzdıksız qoljetımdı. Ortalyq jaŋa ülgıdegı otandyq jäne şeteldık üzdık qondyrǧylarmen jabdyqtalǧan. Eŋ ozyq sifrlyq jäne proeksiialyq tehnologiialar qoldanylǧan. Ortalyq üşın 29 mamannan tūratyn top arnaiy daiyndyqtan ötıp, 30 qyzmetker eŋbek etude. Mamandar är balamen jeke jūmys jürgızedı. Mūnda balalarǧa 30-dan astam qyzmet aqysyz körsetıledı. Jylyna 600 balany oŋaltu şaralarynan ötkızuge mümkındıgımız bar. Audanda sal aurularymen 126 bala tırkelgen bolsa, ortalyq jūmysyn bastaǧan tört aida olardyŋ barlyǧy osynnan emdeu kursynan öttı. Nätijesınde, onyŋ 17-sı aiaqqa tūrsa, 3-euı öz betınşe qimyl-qozǧalys jasai alatyn jaǧdaiǧa kelıp, ata-analaryn quantty. Mūnyŋ syrtynda jürek-qan tamyrlary jüiesınde aqauy bar, otadan keiıngı kezeŋdegı, sondai-aq, ökpesı dımkäs jäne hromosomdy aqauşylyǧy bar balalarǧa da qyzmet körsetıledı.Dariǧa Nazarbaeva balneoterapiia, logoped, fizioterapiia, massaj, ergoterapiia, defektolog, emdık deneşynyqtyru, jattyǧu jäne mehanoterapiia, tūz, galoionoterapiia, biokerıbailanys, qalpyna keltıru terapiiasy, bos terapiia, şungit, sensorlyq bölmelerınıŋ jabdyqtaluyn kördı. Odan soŋ audan ortalyǧyndaǧy 100 oryndy perzenthanaǧa da at basyn būrdy. Eldı meken şetındegı jaŋa şaǧynaudanda jaŋadan boi kötergen üş qabatty zamanaui nysannyŋ syrtqy säuletı kelısken, körkı köz tartady. Onda Nūrsūltan Nazarbaev qorynyŋ direktoryna aldymen ǧimarat syrtynda tūrǧan diagnostikalyq medisinalyq jyljymaly keşen tanystyryldy. Būl – ülken avtobustyŋ ışıne zamanaui qūrylǧylar ornatylyp, köşpelı jaǧdaida köptegen aurudyŋ aldyn alu jūmystaryn jürgızuge arnalǧan. Elektrokardiografiia, ultradybystyq diagnostikalyq jüie, sandyq rentgen jäne fliuorografiialyq apparattar jäne 12 arnaly EKG apparaty syndy qajettı medisinalyq qūrylǧylar ornatylǧan avtobus-keşennıŋ mümkındıgı mol. Onda sozylmaly infeksiialyq emes aurulardy erte anyqtau maqsatynda türlı tekseruler jürgızedı. Sondai-aq, aurudyŋ damuynyŋ negızgı qauıp-faktorlaryn, sozylmaly infeksiialyq aurulary bar adamdar densaulyǧynyŋ jai-küiın, qajettı aldyn alu, terapiialyq, sauyqtyru şaralaryn anyqtau maqsatynda tereŋ zertteuge arnalǧan. Būl, äsırese, şalǧaidaǧy auyl tūrǧyndary üşın ülken kömek. Oblysta däl osyndai 17 keşen bar ekenın aitty öŋır basşysy. Ärbır medisinalyq avtobusta jalpy qabyldau bölmesı, akuşer-ginekolog, säulelık diagnostika, jalpy täjıribe därıgerınıŋ bölımşesı, därıhana, analiz qabyldau aimaǧy jäne portativtı ultradybystyq ekspert synyby ornatylǧan. Ärı halyqty vaksinasiialauǧa arnalǧan beketter de bar. Dariǧa Nazarbaevaǧa jaŋa alynǧan jedel järdem kölıgı de körsetıldı. Perzenthananyŋ bırınşı qabatynda halyq qalaulysynyŋ nazaryna oblystyŋ densaulyq saqtau salasynan körnekı aqparat ūsynylyp, ıstıŋ jaiyn oblys äkımınıŋ orynbasary Batyrjan Baijūmanov baiandady. Öŋır basşylyǧy qūrylysy tez salynatyn moduldy medisinalyq keşennıŋ jobasymen tanystyryp, halyqqa qoljetımdı ambulatorlyq kömektıŋ deŋgeiın köteru, koronavirus boiynşa aǧymdaǧy jaǧdai, ındetke qarsy ekpe salu barysyn mälımdedı. Ötken jyldyŋ 1 mausymynda ıske qosylǧan perzenthananyŋ ışın audandyq ortalyq auruhananyŋ direktory Damir Sūraujanov pen mekeme meŋgeruşısı Baqytkül Esımhanova körsettı. Perzenthanada 49 medisina qyzmetkerı jūmys ısteidı, zamanaui qūral-jabdyqtarmen tolyq qamtamasyz etılgen, halyqqa sapaly qyzmet körsetuge mol mümkındıkter qarastyrylǧan. Qyzmetkerlerdı äŋgımege tartu kezınde 38 jyldyq jūmys täjıribesı bar akuşer Ūltu Jaiabaeva osynda jūmys ısteuge barynşa jaǧdai jasalǧanyna rizaşylyǧyn bıldırdı. Sondai-aq, üş balanyŋ anasy, törtınşı perzentın kütıp jürgen Amangül Jekei osyndai zamanaui perzenthananyŋ halyq igılıgıne berılgenıne el basşylyǧyna alǧysyn jetkızdı. Halyq sany jyldan-jylǧa ösıp otyrǧan audanda 2019 jyly 4600 näreste düniege kelse, ötken jyly bes myŋnan asa bala tuǧan. Deputat üşınşı qabattaǧy jansaqtau bölımınıŋ jūmysyn körıp, ondaǧy syrqattardyŋ halın bılıp, tezırek aiyǧyp ketulerın tıledı. Mamandandyrylǧan būl emdeu-aldyn alu mekemesınde ana men balaǧa joǧary bılıktı stasionarlyq därıgerlık kömek körsetıledı. Sonymen qatar, diagnostika jürgızılıp, äielderge akuşerlık-ginekologiialyq keŋes berıledı. Dariǧa Nazarbaevanyŋ Jetısu öŋırıne jasaǧan jūmys sapary Şamalǧan auylyndaǧy sport-sauyqtyru keşenı men Tūŋǧyş Prezident - Elbasynyŋ «Atameken» tarihi-mädeni ortalyǧyn aralaumen aiaqtaldy.
Ūqsas jaŋalyqtar
