Biylǧy jyldyŋ aituly oqiǧalarynyŋ bırı Astanada ötetın «EKSPO-2017» Halyqaralyq mamandandyrylǧan körmesı ekendıgı belgılı. Osy körme barysynda şet eldık jäne öŋırlık qonaqtar üşın elımızdıŋ mädenietın tanytatyn köptegen şaralar ötedı. Solardyŋ bırı de bıregeiı M.Äuezov atyndaǧy Qazaq Memlekettık akademiialyq drama teatrynyŋ 18-26 mausym aralyǧynda Astana opera jäne balet teatry men Astana Jastar teatrynda sahnalanatyn qoiylymdary desek, artyq aitqandyq emes.
Qazaq teatrynyŋ qara şaŋyraǧy gastroldık sapary jönınde BAQ ökılderımen baspasöz mäslihatyn ötkızıp, körermen nazaryna ūsynatyn qoiylymdarmen tanystyrdy. Oǧan teatrdyŋ direktory Erlan Bıläl, ädebiet bölımınıŋ jetekşısı Äliia Böpejanova, rejisserler Esmūqan Obaev pen Alma Käkışovalar qatysty. Qoiylymdar qazaq tılınde ötıp, orys jäne aǧylşyn tılderıne audarma jasalyp otyrady. Teatr süier qauym 18 mausymda Ǧ.Müsırepovovtyŋ «Mahabbat dastany» (rej.Q.Sügırbekov), 19 mausymda R.Otarbaevtyŋ «Sūltan Beibarys» ( rej.Iý.Haningo-Beknazar), 20 mausymda M.Äuezovtyŋ «Abai» (rej.E.Obaev), 21 mausymda M.Omarovanyŋ «Kömbe nannyŋ dämı» (rej.A.Käkışova), 22 mausymda Ǧ.Esımnıŋ «Taŋsūlu» (rej. A.Käkışova), 23 mausymda Ǧ.Müsırepovtyŋ «Qyz Jıbek» (rej.E.Nūrsūltan), 24 mausymda Ǧ.Müsırepovtyŋ «Mahabbat dastany» (rej.Q.Sügırbekov), 25 mausymda İran-Ǧaiyptyŋ «Qorqyttyŋ körı» (rej. I.Vaitkus), 26 mausymda R.Otarbaevtyŋ «Beibarys Sūltan» ( rej.Iý.Haningo-Beknazar) spektaklderın tamaşalai alady. Bilet baǧasy da halyqqa qol jetımdı bolmaq (500-1500 teŋge).
Jasūlan NAURYZÄLİEV
"Adyrna". kz
