«10 myń AQSh dollary – jeke jınaǵym»: Jolmanova málimdeme jasady (vıdeo)

7106
Adyrna.kz Telegram

Iri kólemde para aldy degen kúdikke ilingen Medeý aýdanynyń sýdıasy bolǵan oqıǵaǵa qatysty pikir bildirdi, dep habarlaıdy «Adyrna» tilshisi.

Beınejazbany ratel.kz saıty júktedi.

Svetlana Jolmanova ózine taǵylǵan aıyptaýlardy joqqa shyǵardy.

— Qazirgi ýaqytta men áli qamaýǵa alynbadym. Para aldy degen kúdikke de ilinbedim. Qyzmettik kabınetimnen tabylǵan 10 myń AQSh dollary – jeke jınaǵym»,–dedi ol.

Sýdıa málimdeme barysynda eski páterin satqanyn jetkizdi. Osylaısha turǵyn úı jaǵdaıyn jaqsartqysy kelgen.

«Osyndaı aqshany jumystaǵy seıften basqa qaıda saqtaý kerek?»,– dep saýal tastady sýdıa.

Sondaı-aq ol buǵan deıin áleýmettik jelide jeke kabınetinen 4,5 myń, úıinen 2 mıllıon 800 myń jáne kóliginen 600 myń dollar tabyldy degen aqparattyń da shyndyqqa janaspaıtynyn jetkizdi.

«Adyrna» ulttyq portaly

Pikirler