Soltüstık Qazaqstan oblysy Vagulin auyldyq okrugınıŋ Jeliakovo auylynda 7 üi örtenıp kettı, dep habarlaidy «Adyrna» tılşısı.
Tötenşe jaǧdai 2 mamyr künı bolǧan.
«101 nömırıne saǧat 13:24-te Qyzyljar audanyna qarasynda Jeliakovo auylynda üilerdıŋ janyp jatqany turaly aqparat kelıp tüstı. Dauyldy jeldıŋ ekpınımen asqynǧan örttı joiuǧa barlyǧy 15 bırlık tehnika men jeke qūramnyŋ 50 adamy jūmyldyryldy. Ört saǧat 18-15-te auyzdyqtalyp, 20-25-te söndırıldı . Qaza bolǧandar men zardap şekkender joq. Örttıŋ boljamdy sebebı – belgısız tūlǧalardyŋ otty abaisyz qoldanuy»,–dep mälımdedı TJ qyzmetı.
«Adyrna» ūlttyq portaly
