Bizdiń ánshilerde qoǵamǵa berer qundylyq qalmaǵan...

4591
Adyrna.kz Telegram

Bizdiń ánshilerdiń logıkasyna úńilip qarasańyz tań qalasyz. Bularda eshqandaı da logıka joq. Izdenbeıdi. Oqymaıdy. Árıne, barlyǵy emes. Bular án aıtyp, qoǵamnyń aldynda jyltyrap júrgeni bolmasa, kópshiliginiń bizdiń qazaqqa berer qundylyǵy qalmaǵan.

Izdenbegen, oqymaǵan, ter tókpegen adamdarda qaıdaǵy qundylyq bolsyn... Sondyqtan da ánshiler osy ýaqytqa deıin qoǵamdy tobyr sanaǵa aınaldyryp, rýhanı regresske túsirýde óte úlken ról atqardy. Ter tókpegen, salmaǵy aýyr tartpaıtyn, qundylyqsyz jyltyraq dúnıe bizdiń qoǵamdy arbap, aldap, áıteýir regresstiń san túrin jasady. 30 jyl boıy kórgenimiz, úlgi tutqanymyz logıkasy joq, qundylyǵy toqyraǵan ánshiler bolǵanan keıin, árıne bizdiń qoǵam artta qalmaǵanda qaıda barady.

Bular jeńil jolmen lotoreıa oınatty, 10 myń dollarlap gonorarmen toılardy qaınatty, jyltyrap júrip talaı talaı tobyrlardy jaınatty. Osylardyń jyltyraǵyna qyzyǵyp talaı qazaq kredıtke baılandy. Osy jeńis pe? Erdi ǵoı talaı qazaq osylarǵa.

Bizdiń qoǵamnyń jastarynyń uzaq ýaqyt boıy ánshilerdiń jyltyraǵy men salmaǵy joq jeńil dúnıelerine aldanyp kelgeni ókinishti. Onyń ornyna ǵylym men tehnologııaǵa, ulttyq ıdeologııaǵa memlekettik deńgeıde kóńil bólgenimizde, biz qazirgi kúni aldymyzda turǵan qanshama tyǵyryqtan shyǵyp úlgerer edik. Bizde biraz óndiristik bazalar qalyptasyp qoıatyn da edi ǵoı. Óz ózimizdiń ımmýnıtetimizdi qalyptastyryp, óz ózimizdi qorǵaýǵa qaýqarly bolar edik...

Ańqaý ári aqymaqtaýmyz. Bizge bári ózdiginen bola salady degen ıllıýzııaǵa berilý basym. Soǵan senip júrgenimizden osylaı bolyp jatyr.

 

Bekbolat QARJAN,

"Adyrna" ulttyq portaly

Pikirler