Beıbarys Sultan – talaby taýdaı bala. Oral qalasynyń týmasy búginde torttyń 40 túrin ázirleı alady. «Adyrna» tilshisi qatarlastarynyń arasynan erekshe kózge túsetin darynmen tildesip qaıtty.
– Tortqa degen qyzyǵýshylyǵym 8 jasymnan bastaldy. Eń birinshi pankeık pen shokoladty bıskvıt pisirip úırendim. Daıyndalý joldaryn ıýtýbtan qaraıtynmyn. Bir qyzyǵy, aspazdardyń barlyǵy orys tilinde sóıleıtin. Ol kezde kishkentaı bolǵandyqtan, ne aıtyp jatqandaryn asa qatty túsinbeıtinmin. Sol sebepti anamnyń kómegine júginip, barlyq málimetti qazaqshaǵa aýdartyp alatynmyn. Súıtip tátti taǵamdardy ózdigimnen daıyndap júrdim. Osy oraıda ájemniń de eńbegin atap ótkim keledi. Ol kisiniń qalaı baýyrsaq, quımaq pisiretinin qaraı otyra, kóptegen taǵamdardy jasap úırendim.
Jas talanttyń bul ónerdi meńgergenine bıyl 5 jyl tolady.
– Búginde torttar men desertterdiń 40 túrin pisire alamyn. Odan bólek, ystyq tamaqtar men túrli tiske basarlardy ázirleý qolymnan keledi. Grýzın ashanasyn jaqsy kóremin. Ata-anam qonaqqa ketken kezde ıýtýbqa kirip, jańa taǵamdardyń daıyndalý joldaryn qaraımyn. Osylaısha eksperıment jasaǵandy unatamyn. Qolym bos kezde túski as pen keshki asty da jasap turamyn.
Qazirgi tańda Beıbarys hobbıin kásibine aınaldyrǵan. Ol áńgime barysynda táttilerge tapsyrys berýshilerdiń kóp ekenin jetkizdi.
– Bir kúnde eń kóp degende 4-5 tort jasaı alamyn. Keı kúnderi tapsyrys óte kóp túsip qalady. Sondaı sátterde barlyǵyn jasap úlgerip, klıentterimniń kóńilinen shyǵýǵa barymdy salamyn.
Jetkinshek zamandastarynyń súıikti isine degen kózqarasyn aıtyp berdi.
– Synyptastarymnyń 80 paıyzy tort jasaıtynymdy biledi. Kópshiligi qoldap, motıvaııa berip jatady. «Jaraısyń, tek alǵa» dep ózderiniń jyly lebizderin bildirip júredi.
Armany asqaq, maqsaty aıqyn..
– Óskende ataqty kondıter bolýdy armandaımyn. Sondaı-aq árbir qaladan ózimniń dúkenimdi ashqym keledi. Kórshi Reseı elinde turatyn kondıterlik ónimderdiń sheberi Renat Agzamovty úlgi tutamyn. Bolashaqta sol kisiniń deńgeıine deıin jetsem be degen maqsatym bar.
Beıbarystyń pikirinshe, nıeti túzý kez kelgen adam jańa dúnıeni qıyndyqsyz meńgere alady.
– Keıbir adamdar seni jigerlendirse, keıbiri óskenińdi kóre almaıdy. Sondaı adamdarǵa mán bermeý qajet. Kerisinshe, armanyńdy aqıqatqa aınaldyrýǵa áreket et. Eger sen kondıter bolǵyń kelse, qolyńdy qazirden bastap úırete ber. Shyny kerek, XXI ǵasyrda úırenýge barlyq jaǵdaı jasalǵan. Túrli platformalar, master-klastar bar. Tipti ıýtýbta neniń qalaı jasalatynyn basynan aıaǵyna deıin kórsetedi. Bastysy — nıet pen yntanyń bolýy.
Áńgimelesken Dıana ASAN,
«Adyrna» ulttyq portaly
