Prezident Qasym-Jomart Toqaev qazaqstandyqtardy Otan qorǧauşy künımen qūttyqtady, dep habarlaidy «Adyrna» ūlttyq portaly.
«Qūrmettı qazaqstandyqtar!
Sızderdı Otan qorǧauşy künımen şyn jürekten qūttyqtaimyn!
Bız būl künı Qaruly Küşterımızdıŋ ardagerlerıne jäne elımızdıŋ egemendıgı men ūlttyq müddesın qorǧap tūrǧan, antyna adal äskeri qyzmetşılerge qūrmet körsetemız.
Qazaqstan jer jüzıne qaşanda beibıtşılıktı jaqtaityn jäne jauapkerşılıgı joǧary memleket retınde tanymal. Sondai-aq ekonomikalyq, gumanitarlyq mümkındıkterı ǧana emes, äskeri äleuetı de myqty elge ainaldyq.
Tūŋǧyş Prezident, Elbasy Nūrsūltan Äbışūly Nazarbaevtyŋ orasan eŋbegınıŋ arqasynda zamanaui qaru-jaraqpen jäne jaŋa tehnikamen jabdyqtalǧan quatty armiia jasaqtaldy. Qaruly Küşterımızdıŋ barlyq qūrylymynda qyzmet etetın sarbazdar men sardarlardyŋ jauyngerlık ruhy, otanşyldyǧy, äskeri daiyndyǧy jäne käsıbi maşyǧy elımızdıŋ qorǧanys qabıletınıŋ joǧary boluyn qamtamasyz etedı.
Memleket tuǧan jerı üşın aianbai eŋbek etıp, äskeri qyzmetke bükıl ǧūmyryn arnaǧan otansüigış perzentterın jan-jaqty qoldauǧa airyqşa män beredı. Bızdıŋ mındetımız – jaŋa geosaiasi ahualǧa sai elımızdıŋ qorǧanys qabıletın odan ärı nyǧaita tüsu.
Armiia – memlekettıgımızdıŋ myzǧymas tıregı, Täuelsızdıgımızdıŋ kepılı. Qazaqstan Respublikasynyŋ äskeri qyzmetşılerıne halqymyzdyŋ qauıpsızdıgı men beibıt ömırı jolyndaǧy mınsız qyzmetı üşın rizaşylyǧymdy bıldıremın», - delıngen Aqordanyŋ resmi saitynda berılgen qūttyqtauda.
"Adyrna" ūlttyq portaly
