1 şıldeden bastap bırqatar özgerıster küşıne endı - dep habarlaidy Sputnik.kz
Iаǧni, bügınnen bastap medisinalyq saqtandyru, zeinetaqy men järdemaqy mölşerı, sonymen qatar memlekettık qyzmetter körsetude bırqatar özgerıster bolady.
Medisinalyq saqtandyru
1 şıldeden bastap jūmys beruşıler Äleumettık medisinalyq saqtandyru qoryna alǧaşqy jarna audara bastaidy. 2018 jylǧy 1 qaŋtardan bastap memleket, 2019 jylǧy 1 qaŋtardan bastap jaldamaly jūmysşylar tölem jasaidy.
1 şıldeden bastap jūmys beruşıler ärbır qyzmetkerdıŋ tabysynan 1%, 2018 jylǧy 1 qaŋtardan 1,5%, 2020 jylǧy 1 qaŋtardan 2%, 2022 jylǧy 1 qaŋtardan bastap 3% töleuı tiıs.
Jeke käsıpkerler 1 şıldeden bastap eŋ tömengı ekı jalaqy mölşerınen 5% (2017 jyly eŋ tömengı jalaqy 24 459 teŋge), iaǧni 2 445,9 teŋge töleidı.
Jaldamaly qyzmetkerler 2019 jylǧy 1 qaŋtardan bastap tabysynyŋ 1%-yn, 2020 jylǧy 1 qaŋtardan 2%-yn audaruy qajet. 2022 jyldan bastap Äleumettık medisinalyq saqtandyru qoryna tüsetın jūmys beruşı men qyzmetkerdıŋ jiyntyq jarnasy tabystyŋ 5%-yn qūraityn bolady.
Zeinetaqy men järdemaqy ösedı
1 şıldeden bastap zeinetaqy men bala tuǧanda berıletın bırjolǧy järdemaqy ösedı.
2017-2018 jyldary zeinetaqy 3 kezeŋde arttyrylatyn bolady. Bırınşı kezeŋde, iaǧni, 2017 jylǧy bırınşı qaŋtardan bastap yntymaqty zeinetaqylar mölşerı toǧyz paiyzǧa, bazalyq zeinetaqy jetı paiyzǧa artty. Al ekınşı kezeŋde, 2017 jylǧy bırınşı şıldeden bastap yntymaqty zeinetaqy mölşerı qosymşa 11 paiyzǧa, al bazalyq zeinetaqy mölşerı 13 paiyzǧa ösedı.
Nätijesınde 2017 jylǧy bırınşı şıldeden bastap zeinetaqyny 2016 jylǧy zeinetaqy mölşerımen salystyrǧanda 20 paiyzǧa arttyru qamtamasyz etılmek. Iаǧni, eŋ tömengı zeinetaqy 45 711 teŋge, ortaşa zeinetaqy 66 676 teŋgege deiın arttyrylatyn bolady. Būl ösım barlyq ekı millionnan astam zeinetkerlerdı qamtidy.
Sonymen qatar, 2017 jylǧy bırınşı şıldeden bastap zeinetaqy taǧaiyndau üşın esepke alynatyn tabystyŋ eŋ joǧary mölşerın 41 ailyq eseptık körsetkışten 46 ailyq eseptık körsetkışke deiın arttyru közdelgen.
Zeinetaqyny arttyrudyŋ üşınşı kezeŋı 2018 jylǧy bırınşı şıldeden bastap jürgızıletın bolady. Būl bazalyq zeinetaqyny taǧaiyndau ädıstemesınıŋ özgeruımen bailanysty.
Būdan bölek, 2017 jylǧy 1 şıldeden bastap bala tuǧanda berıletın bırjolǧy järdemaqynyŋ mölşerın 20%-ǧa ösıru közdelgen.
Jalpy, zeinetaqy men atalǧan järdemaqyny ösıruge respublikalyq biudjetten 81,6 mlrd teŋge qarastyrylǧan.
Tırkelmegen telefondardy būǧattau
Qazaqstanda qabyldanǧan ekstremizm men terrorizmge qarsy küres zaŋyna säikes elde IMEI kodtarynyŋ bıryŋǧai derekter bazasyn qūru qarastyrylǧan.
Būl baza ūialy telefondardyŋ ielerı turaly aqparatty tärtıpke keltırudı jäne olardy qylmys kezınde paidalanuǧa kedergı jasaudy közdeidı.
Aqparat jäne kommunikasiialar ministrı Däuren Abaevtyŋ mälımdeuınşe, jüienıŋ ıske qosyluy telefon ūrlyǧynyŋ sanyn azaituy tiıs. Zardap şekken adam polisiiaǧa barǧannan keiın ūrlanǧan telefon būǧattalady. Osylaişa, telefon ūrlaudyŋ eşqandai mänı bolmai qalady, dep aitqan edı ol.
Özgerısterge säikes, ūialy bailanys operatorlary 1 şıldeden bastap IMEI-kody bazasynda tırkelmegen telefondardy būǧattauǧa mındettı. Abonenttık qūrylǧylardyŋ IMEI-kodtaryn tırkeu telefoln ūialy bailanys operatorynyŋ jelısıne qosylǧan kezde operatorlardyŋ derekter bazasynda avtomatty türde jürgızıletın bolady.
Elektrondy ükımettegı jaŋaşyldyqtar
1 şıldeden bastap memlekettık qyzmetter körsetu jeŋıldetılmek. Endı elektrondy ükımet portalynda 20 memlekettık qyzmettı elektrondyq sifrlyq qoltaŋbasyz aluǧa bolady. Bır rettık parol arqyly 20 qyzmettıŋ 15-ı qoljetımdı, qalǧan bes qyzmet üşın tek portalda avtorizasiiadan ötu kerek.
Bır rettık parol arqyly mülık turaly, jeke tūlǧalardyŋ jyljymaityn mülık üşın tırkelgen nemese toqtatylǧan qūqyqtary jönınde anyqtama, jyljityn mülıkke kepıldı tırkeu tızılımınen köşırme alu, jyljymaityn mülık nysanynyŋ tehnikalyq pasportyn alu, azamattyq ahual aktısın tırkeu nemese ekınşı qaitara kuälık alu mümkındıgı bar.
Bır rettık parol – sūraudan keiın telefonǧa jıberıletın sms-habarlama. Telefonǧa keletın tekseru kodynan keiın ony eGov.kz saityna engızu kerek.
eGov.kz saityndaǧy avtorizasiia arqyly qazaqstandyqtar üiıne därıger şaqyra alady, därıgerge qabyldauǧa jazylady, medisinalyq ūiymǧa elektrondyq sifrlyq qoltaŋbasyz tırkeledı.
Sonymen bırge äskeri qyzmette bolǧany jönınde anyqtama, jeŋıldıkter qarastyrylǧan soǧys ardagerlerı, Chernobyl apaty zardabyn joiuşylardyŋ anyqtamasy qoljetımdı bolmaq.
