«Nur-Sultan» áýejaıynyń baspasóz qyzmeti Ashyq jobasynyń alǵashqy kúniniń qorytyndysyn shyǵardy, dep habarlaıdy "Adyrna" ulttyq portaly.
"Ashyq jobasynyń alǵashqy kúninde Nursultan Nazarbaev halyqaralyq áýejaıynyń qyzmetkerleri «sary» deńgeıindegi tórt jolaýshyny, «qyzyl» statýsty eki jolaýshyny anyqtady. Algorıtm boıynsha «qyzyl» statýsy bar jolaýshylar jedel járdem kelgenge deıin oqshaýlanǵan, sodan keıin olar aýrýhanaǵa jatqyzyldy", deıdi áýejaı.
12 mamyrdan bastap Nursultan Nazarbaev halyqaralyq áýejaıynda Ashyq jobasy tolyǵymen bastaldy.
"Barlyq jolaýshylarǵa (ushyp bara jatqan) áýejaıǵa keler aldynda qosymshany júktep alyp, densaýlyq statýsyn aldyn-ala tekserý qajet ekenin eskertemiz. «Sary» jáne «qyzyl» deńgeıindegi jolaýshylar áýejaı ǵımaratyna kirgizilmeıdi. Ushaqqa jiberilmegen jaǵdaıda aqshany qaıtarý týraly suraqtar áýe kompanııasyna jiberilýi kerek", dedi olar.
