Bılım jäne ǧylym ministrı Ashat Aimaǧambetov barlyq ırıkteu ıs-şaranyŋ formatyn aşyqtyq pen ädıldıktı qamtamasyz etu üşın özgertıp jatqandaryn aitty. Būl turaly ministr facebook-tegı paraqşasynda jazdy.
Jaqynda ŪBT-ny elektrondyq formatqa köşıru turaly post jariialadym. Būl özgerısterdı qoǧam jaqsy qabyldap, qoldau bıldırdı. Bıraq, bız tek osy emtihandy ǧana emes, barlyq ırıkteu ıs-şaralarynyŋ formatyn aşyqtyq pen ädıldıktı qamtamasyz etu üşın özgertudemız, - dep jazdy Ashat Aimaǧambetov.
Ministr osy bastamalarǧa qysqaşa toqtalyp öttı.
Bırınşıden, oquşylardyŋ pändık Olimpiadasy. Bız biyl aqpan aiynda alǧaş ret oquşylar arasynda respublikalyq olimpiadany elektrondyq formatta ötkızdık. Är qatysuşyǧa jeke kompiuter berıldı, är oquşynyŋ ıs-äreketın beinekamera baqylap otyrdy. Sonymen qatar arnaiy ortalyqta kezekşıler barlyq prosestı qadaǧalai alyp, proktoring jüiesı de qoldanyldy. Äleumettık jelılerde jäne arnaiy portalda aşyq transliasiia jürgızıldı. Būǧan qosa, bız biyl olimpiada tapsyrmalaryn tekseru jüiesın de özgerttık. Būryn qazylar alqasy müşelerıne balalardyŋ jūmystary proporsionaldy türde berılse, endı baǧalau kezınde subektivizmdı tömendetu üşın qazylar alqasynyŋ är müşesı bır ǧana tapsyrmany körıp, baǧalai aldy.
Kelesı jyldary da olipiadanyŋ oblystyq jäne respublikalyq kezenderı tek ǧana osyndai formatta ötetın bolady.
Ekınşıden, doktoranturaǧa qabyldau. Biyl doktoranturaǧa tüsu emtihandary da ŪBT-ǧa qoiylǧan talaptar negızınde jäne Ūlttyq bıryŋǧai testıleu jürgızılgen punktterde ötedı.
Būl bızge «rektorlar tızımı» degen alyp-qaşpa sözdı jäne osyndai täuekelderdı ūmytyp, doktoranturaǧa eŋ myqty jäne laiyqty ümıtkerlerdıŋ oquǧa tüsuıne tiıstı jaǧdai jasauǧa mümkındık beredı dep oilaimyn.
Essenı de, basqa da tapsyrmalardy da osy kompiuterlermen beinekameralardyŋ aldynda otyryp jazatyn bolady.
Üşınşıden, magistraturaǧa tüsu. Ötken jyly bız magistraturaǧa tüsuşılerdıŋ emtihandaryn pilottyq rejimde elektrondyq formatta qabyldadyq. Oquǧa tüsken azamattar emtihannyŋ rasynda ädıl türde ötkenın aityp jatyr. Biyl būl jūmys jalǧasyn tabady. Būdan bylai magistraturanyŋ emtihandary osy formatta ötedı.
Ministr bolyp taǧaiyndalǧannan keiın bırden pedagogterge arnalǧan Ūlttyq bılıktılık testıleudı qaǧaz formatynan elektrondyq formatqa köşırgenımız esterıŋızde bolar. Osyǧan bailanysty testıleudı jaqsy tapsyrǧan adamdardyŋ sany bırden bırneşe ese qysqarǧanyna qaramastan, būl jüie sybailas jemqorlyq pen köşırıp alu täuekelderın azaituǧa mümkındık berdı, - dep jazdy ol.
Ministr ädıldık, aşyqtyq, akademiialyq adaldyq jūmystaǧy negızgı qaǧidattar ekeıe aitty.
Būl baǧyttaǧy jūmystyŋ älı de jetıldırıletın tūstary bar ekenın bılemız. Osylaişa, olimpiadalardy, ŪBT-ny ūiymdastyrudan bastap magistratura men doktoranturaǧa tüskenge deiıngı barlyq prosestı elektrondyq formatqa köşırdık. Osyndai jaŋaşyldyqtar arqyly ädıldık pen aşyqtyqqa baǧyttalǧan bastamalarymyzdy jüzege asyryp jatyrmyz. Aşyqtyqty jäne naqty bäsekelestıktı qamtamasyz ete otyryp, bılım beru jüiesıne degen senımdı de arttyramyz. Ädıldık, aşyqtyq, akademiialyq adaldyq - būl bızdıŋ jūmysymyzdaǧy negızgı qaǧidattar, - dedı ol.
Basqalarmen bölıse
otyryŋyz
