Reseılik saıasatker, Reseı Federaııasy Memlekettik Dýmasynyń depýtaty jáne Reseıdiń Lıberal-demokratııalyq partııasynyń jetekshisi Vladımır Jırınovskıı «Komsomolskaıa pravda» radıosyna bergen suhbatynda Qyrǵyzstan men Tájikstan shekarasyndaǵy jaǵdaıǵa túsinikteme berip, Ortalyq Azııa emıratyn qurýdy usyndy.
"Mundaı árqashan bolǵan. Kavkaz, Zakavkaze jáne Ortalyq Azııada. Bir aımaqta kóptegen az halyqtar turatyn bolsa, ol jerde qaqtyǵys únemi bolyp turady. Kimniń jeri, kimniń sýy, kimniń kólik toraby dep talasady. Sondyqtan, patsha dáýirinde patsha aımaqtardy buryn qalaı boldy, sol kúıinde qaldyrdy. Mine, Buhara - Buhara ámirligi. Buhara ámirliginiń basynda, ámir. Oryssha aıtsaq basshy turdy. Men bul ataýlardy Reseıde qalpyna keltirer edim - Qıyr Shyǵystyń, Shyǵys Sibirdiń, Oraldyń basshysy, Zakavkazeniń basshysy, basshy bolýy tıis...
Boldy. Aıtalyq, Hıýa. Sonymen qatar ámirlik nemese handyq. Samarqand. Keńes úkimeti aqylsyna bastaǵanda, olar respýblıkalar qura bastady. Al adamdar ártúrli jerde ómir súrdi. Respýblıkanyń shekaralary árdaıym sol halyqtyń shekaralary bola bermeıdi. Tájikter Ózbekstanda turady delik. Sol sııaqty Qyrǵyzstanda da turady. Biraq biz olarǵa tek Tájikstandy berdik. Dál solaı qyrǵyzdar, qazaqtar, túrikmender, bári aralasyp ketti.
Tek geografııalyq jer ataýlary. Men ony qalaı atar edim? Orta Azııa ámirligi, bul ámirliktiń basshysy orys jáne onyń shtab-páteri Tashkentte bolady. Ózbekter de, qazaqtar da, qyrǵyzdar da, qaraqalpaqtar da, tájikter de, túrkimender de ádn rıza bolady. Sonda sýmen eshqandaı másele bolmaıdy. Sonda adamdar sý Ortalyq Azııanyń barlyq turǵyndary úshin ekenin túsinedi. Kim osy jerde ómir súrse, eshkim eshkimdi qýyp jibermeýi kerek. Energııa barlyǵyna teń bólinedi», - dedi Vladımır Jırınovskıı.
Buǵan deıin Jırınovskıı Qazaqstandaǵy kóshe ataýlarynyń ózgertýge qatysty óz qarsylyǵyn bildirip, "qazaqtar ózderine qala salyp alsyn" degen edi.
Ashat QASENǴALI,
"Adyrna" ulttyq portaly
