Reseidıŋ Novosıbır qalasynda erekşe saiys öttı. Şaharǧa eldıŋ är qalasynan kelgen toptar az uaqyt aralyǧynda adamdy kömetın kör qazyp, oǧan tabytty ornalastyrudan baq synasty. Nätijesınde Omby qalasynan kelgen qatysuşylar saiystyŋ jeŋımpazdary atandy, dep habarlaidy «Adyrna» ūlttyq portaly nur.kz saityna sılteme jasap.
Basylymnyŋ mälımetınşe, saiys ötken jer Novosıbır qalasyndaǧy krematoriidıŋ janyndaǧy alaŋda ötıptı.
Aita keterlıgı, baiqau «Nekropol – Sıbır 2021» körmesı aiasynda ūiymdastyrylǧan. Saiystyŋ talaptary da özgeşe boldy. Jarys qatysuşylary ūzyndyǧy 2 metrdı, enı 80 santimerdı jäne tereŋdıgı 160 santimerdı qūraityn kör qazu kerek boldy. Kördıŋ qanşalyqty talaptarǧa säikes keletınin, ädıl qazy müşelerı oǧan tabytty ornalastyru arqyly anyqtap, bılıp otyrdy.
Ūiymdastyruşylar saiysqa qatysqan ekı bırdei top kördı jarys talaptaryna sai qazbady deidı. Osylaişa, chempionat jeŋımzdary retınde Omby qalasynan kelgen top tanyldy. Olar 38 minut ışınde barlyq talaptarǧa sai keletın kör qazyp, jarystyŋ jeŋımpazdary atandy.
Baiqauǧa sondai-aq Reseidıŋ Tomsk, Altai öŋırınıŋ qalalarynan kelgen toptar qatysty. Jarysty ūiymdastyruşylar mūndai erekşe baiqaudy ne sebeptı ötkızgenderın de tüsındırıp berdı.
Aitularynşa, olar osy saiys arqyly jastardyŋ atalǧan käsıpke degen qyzyǧuşylyǧyn arttyryp, jūmystyŋ oryndalu sapasyn jaqsartpaqşy bolypty. Sonymen bırge, olar mūndai saiystan soŋ jerleu räsımın oryndaudan bas tartpaityn jastar köbeiedı dep senıp otyr.
https://youtu.be/4NrIRZfPTiI
"Adyrna" ūlttyq portaly
(foto 24tv.ua saitynan)
