Syrdarııada ornalasqan «Indorama Agro» jaýapkershiligi shekteýli seriktestiginiń ondaǵan jumysshylary jalaqynyń qysqartylýyna jáne eńbek zańnamasynyń buzylýyna narazylyq bildirdi, dep habarlaıdy «Adyrna» ulttyq portaly.
Olar narazylyqtaryn velosherý arqyly jetkizdi. Velosherý 20 mamyrda Syrdarııa oblysynyń Sardoba aýdanyndaǵy Djızzak-Gýlıstan tas jolynda ótti.
«Indoramanyń jumysshylary jalaqylary az bolǵandyqtan jumystan shyqty. Jalaqy - 1,5 mıllıon sým (shamamen 140 dollar). Eshteńege jetkiliksiz», - deıdi velosıpedshilerdiń biri.
«Onda bizdiń ne kinámiz bar?» - dep suraǵan mashına júrgizýshilerine narazylyq bildirýshiler «Siz kináńiz joq, biz sheneýnikterdiń nazaryn aýdarý úshin shyqtyq» dep jaýap beredi.
Jergilikti BAQ-tyń habarlaýynsha, bılik bul is-sharaǵa túsinikteme berip, atalmysh máselege aralasqylary kelmeıtindigin aıtqan. Sebebi bul - «sheteldik kompanııa men qyzmetkerler arasyndaǵy qatynas».
«Indorama Agro» jaýapkershiligi shekteýli seriktestigi ótken jyly óz jumysyn Syrdarııa oblysynyń Aqaltyn jáne Sardoba aýdandarynda bastaǵan bolatyn. Al osy jyldyń basynda kásiporynda jappaı qysqartý bastaldy.
Sodan keıin «Indorama Agro» jaýapkershiligi shekteýli seriktestiginiń qyzmetkerleri basshylyqtyń Ózbekstannyń eńbek zańnamasyn buzyp jatqandyǵyna, qystyń qatty aıazynda jáne jazdyń ystyq kúnderinde fermerler men dıhandardyń «quldar sııaqty qanaýshylyqqa» ushyraǵandyǵyna shaǵymdandy.
Vıdeony osy siltemeden kóre alasyz: https://t.me/vodiybozor/102618
"Adyrna" ulttyq portaly
