Aqpannan berı lagerdegı tuystarynyŋ joǧyn joqtap Almatydaǧy Qytai elşılıgınıŋ aldyna kelıp jürgen qandastar qamauǧa alynyp, olarǧa aiyppūl salynyp jatyr, dep habarlaidy «Adyrna» ūlttyq portaly Stan.kz aqparat agenttıgıne sılteme jasap.
Segız adam Baibolat Künbolatūly, Gülpiia Qazybek, Qalida Aqythan, Gülbaran Ömırälı, Nūrzat Ermekbai, Gülnūr Qosdäulet, Jamilia Mäken jäne Aqiqat Qaliolla Qytai kelşılıgınıŋ aldynda zaŋsyz miting ūiymdastyrdy degen aiyppen ūstalǧan.
Elşılık aldyna şyqqandardyŋ sözınşe, tärtıp saqşylary olardy qamauǧa alyp, bır kün boiy tergegen.
«Segız adam elşılıktıŋ aldyna şyqqan edık. Poliseiler kelıp, altauymyzdy kölıkke basyp aldy. Qalǧan ekı adamdy joldan alyp ketıp, aparyp tergedı. Tüskı on ekıden keşke deiın qamauda ūstady. Segız adamnyŋ altauyna 61500 teŋge aiyppūl saldy», – deidı Gülbaran Ömırälıqyzy.Aǧasynyŋ Qytai lagerınen bosatylyp, Qazaqstanǧa qaitqanyn qalaityn Almahan Myrza da bes aidan berı elşılıktıŋ tabaldyryǧyn tozdyrǧandardyŋ bırı. Aǧasy üşın ädıldık sūraǧan ol älı künge deiın eşqandai jauap bolmady dep narazy.
«Men tuǧan aǧamdy ızdep elşılıktıŋ tabaldyryǧyn tozdyrǧanyma bes ai uaqyt boldy. Aǧamdy jazyqsyz 14 jylǧa sottaǧan. Aǧam ekınşı därejelı mügedek. Sol kısınıŋ densaulyǧy üşın alaŋdap, elışılıkke kelıp ony Qazaqstanǧa qaitaruyn, eŋ bolmasa, lagerden bosatuyn sūrap, aryz talabymdy jetkızgenıme bes ai boldy. Bıraq jauap joq», – deidı Almahan Myrza.Almahan Myrzaǧa da rūqsatsyz mitingıge şyqtyŋ dep 61500 teŋge aiyppūl kelgen. Aiyppūldy on kün ışınde tölesın degen talap qoiylypty. Alaida kier kiımı men ışer asyn äreŋ tauyp jürgen kelınşek, aiyppūl töleitın qarajatym joq deidı.
«Maǧan zaŋsyz, rūqsat etılmegen mitingıge şyqtyŋ, qolyŋa plakat alyp, narazylyq tanyttyŋ degen aiyppen 60 myŋ kölemınde aiyppūl salyndy. Men eşqandai mitingıge şyqqan joqpyn. Tek aǧamnyŋ suretın alyp, onyŋ Qazaqstanǧa qaitaryluyn sūradym. Qazır aiyppūl töleitın aqşam joq. Oǧan qosa, būl mitingı emes, men aiyppūldy negızsız salyp otyr dep esepteimın», – deidı kelınşek.Qanşa jerden aiyppūl salsa da, aǧam üşın küresudı jalǧastyramyn deidı kelınşek.
«Qanşa aiyppūl salyp, jala jauyp, aqşa öndırmek bolsa da, men aǧam üşın küresudı jalǧastyramyn. Men mitingıge şyqqan joqpyn, aǧam üşın ädıldık sūradym», – deidı ol.Narazylyq bıldıruşılerdı aiyppūl toqtatpaityn syŋaily. Olar talaptaryna joǧarydaǧylar qūlaq asqanşa Qytai elşılıgınıŋ aldynda narazylyq bıldırudı jalǧastyrmaq.
"Adyrna" ūlttyq portaly
(foto stan.kz saitynan)
