Mahatma Gandi atyndaǧy №92 mamandandyrylǧan liseide belgılı jazuşy, «Qyltūsau», «Jalǧyz jūldyzdyŋ jaryǧy», «Taǧdyr taqtasy» äŋgımeler jinaǧynyŋ avtory Darhan Beisenbekpen «Bügıngı ädebiet jäne jastar» atty kezdesu öttı. Mektep ūstazdary men oquşylary jazuşynyŋ şyǧarmaşylyǧy men bügıngı ädebiet turaly köptegen sūraqtar qoiyp, oǧan tūşymdy jauap aldy.
«Almatyǧa oquǧa tapsyruǧa kelgen künı dalaǧa tünep, ertesıne Qanyş Sätbaev atyndaǧy tehnikalyq universitetıne oquǧa tüsudı ūiǧardym. Oǧan sebep – jataqhana mäselesı boldy. Tehnikalyq mamandyqqa oquǧa tüskenımmen, äu bastaǧy armanym boiynşa universitet gazetınde jūmys ıstep, jazuşylyqqa bet būrdym» dep Darhan Beisenbekūly özınıŋ ädebietke kelu tarihyn baiandap berdı. Ol oquşylarǧa naǧyz körkem ädebietpen susyndap qalatyn uaqyttary osy kez ekendıgın aitty.
Sūraq-jauap formatynda ötken kezdesude jazuşy bırneşe mäselelerdı qozǧady. Sonyŋ bırı – qalamgerler men oqyrmandar mäselesı. Būl tūrǧyda ol «qalamger – önım ūsynuşy. Oqyrman – tūtynuşy. Demek, tūtynuşynyŋ talǧamy biık bop tūrsa, önım ūsynuşynyŋ talǧamy da özgeruı kerek» deidı. Sondai-aq, jastarǧa bügıngı jas jazuşylardyŋ, atap aitqanda E.Aidabosyn, Q.Tıleuhan, Q.Äbılqaiyr syndy azamamattardyŋ şyǧarmalaryn oquǧa keŋes berdı.
Kezdesu soŋynda lisei direktory Erūlan Jienbaev qonaqtardy qabyldap, aldaǧy uaqytta da osyndai maŋyzdy ıs-şaralardy ötkızıp tūruǧa şaqyrdy.
Al qazaq tılı jäne qazaq ädebietı pänınıŋ mūǧalımı Almagül Täkışeva jazuşymen bolǧan kezdesudıŋ oquşylar üşın maŋyzdy ekenın jetkızdı.
«Darhan Beisenbekūly «Qyltūsau» romanynda qazırgı jastardyŋ ömırındegı özektı mäselelerdı, ǧasyr dertıne ainalǧan naşaqorlyq, qyztekelık, qoǧam ömırındegı bauyr etı balasyn şetelge satu siiaqty mäselelerdı kötergen. Roman tılı dialog arqyly jeŋıl oqylady. Jazuşymen ötken kezdesu oquşylardy qanattandyrady dep oilaimyn» dedı ol.
Aita keteiık, «El-şejıre» qoǧamdyq qory ūiymdastyrǧan būl kezdesu Almaty qalasy Işkı saiasat basqarmasynyŋ tapsyrysymen öttı.
