Aqtöbe oblysynyŋ ortalyǧynda meşıtke qarsy jol boiynda jol-kölık oqiǧasy bolyp, bır adam köz jūmdy dep habarlaidy "Adyrna" ūlttyq portalynyŋ tılşısı.
"Shacman" markaly jük kölıgınıŋ jürgızuşısı Äbılqaiyr han daŋǧylymen "Nūr-Ǧasyr" meşıtıne qarama-qarsy jürıp, qiylystan solǧa būrylǧan kezde qarsy kelgen kölıkke jol bermei, "BMW" markaly avtokölıkpen soqtyǧysqan. Soqtyǧysudan jük kölıgı qozǧalys baǧytyn özgertıp, jaiau jürgınşıler jolymen jürıp kele jatqan Batys Qazaqstan oblysynyŋ 32 jastaǧy tūrǧynyn qaǧyp kettı.
Jol-kölık oqiǧasy saldarynan äiel oqiǧa ornynda köz jūmdy, al "BMW" avtokölıgınıŋ jürgızuşısı Aqtöbe qalasynyŋ jedel medisinalyq järdem auruhanasyna jatqyzyldy."Ökınışke qarai, atalǧan jol-kölık oqiǧasynyŋ saldarynan öz jönımen jaiau jürgınşıler jolymen ketıp bara jatqan kınäsız äiel köz jūmdy. Qazır būl oqiǧa boiynşa tekseru jūmystary jürgızılude. Bız barlyq azamattardan jol qozǧalysy erejelerın qataŋ saqtaudy eskertemız. Sızdıŋ oilanbai jasaǧan äreketterıŋızden kınäsız adamdar zardap şeguı mümkın", - dedı oblystyq polisiia departamentınıŋ bastyǧy Atyǧai Arystanov.
"Adyrna" ūlttyq portaly.
Ūqsas jaŋalyqtar
