Türkıstan oblysy Saryaǧaş audanyna qarasty Yntymaq auylyndaǧy mektepte ejelep oqityn mūǧalım turaly videorolik būǧan deiın äleumettık jelıler arqyly tarap ketken bolatyn. Orys tılı men ädebietınen sabaq beretın ūstaz qazır bala kütımıne bailanysty demalysqa ketken, dep habarlaidy «Adyrna» ūlttyq portaly azattyq-ruhy saityna sılteme jasap.
Sadriddin Aini atyndaǧy №8 orta mekteptıŋ direktory Gülsara Hasanovanyŋ aituynşa, ejelep oqityn mūǧalımdı jūmysqa ol öz erkımen qabyldamapty. Jas mamandy audandyq bılım bölımı jıbergen.
«Ol aldymen testten ötken, sosyn ekınşı kezeŋ – äŋgımelesuden ötken. Maǧan daiyn joldauymen keldı. Men jūmysqa aldym», - dedı mektep direktory.Onyŋ aituynşa, mūǧalım tek alǧaş kelgen 2019 jyly ǧana osylai ejelep oqyǧan. Qazır onyŋ sauatynda kınärat joq deidı. Alaida ata-analar mūnymen kelıspei otyr. İnternette taraǧan video byltyr karantin uaqytynda tüsırılgen deidı olar. Belgılı bolǧandai, pedagog JOO-da özı sabaq beretın orys tılı men ädebietınen memlekettık emtihandy beske tapsyrǧan eken.
"Adyrna" ūlttyq portaly
(foto otyrar.kz saitynan)
