QR aqparat jáne qoǵamdyq damý mınıstri Aıda Balaeva reıtıng qýǵan baǵdarlamalar jabylatynyn ortalyq kommýnıkaııalar qyzmeti alańyndaǵy halyq aldyndaǵy esep berý kezinde aıtty, dep habarlaıdy «Adyrna» ulttyq portaly.
Mınıstrdiń aıtýynsha, olar baǵdarlamalardy ózderi qalaǵan ýaqytta jaba almaıdy.
«Mınıstrliktiń kez kelgen unamaǵan baǵdarlamany jaýyp tastaýǵa quzyreti joq. Zań bar. Alaıda «QosLike» sııaqty baǵdarlamalar jekemenshik BAQ-tarda júrgizilip jatyr. Qoǵam tarapynan narazylyq bolǵannan keıin biz olarmen sóılesip, naqty óz usynystarymyzdy bildirdik. Ondaı baǵdarlamalardyń taǵdyry reıtıngke baılanysty. Qoǵamnyń bir bóligi olarǵa narazy bolsa, ekinshi bóligi sony ólip-tirilip qaraıdy. «Astarly aqıqat», «Qalaýlym» degen baǵdarlamalar reıtıngtiń eń basynda turǵandar. Demek suranys bar, halyq kóretin bolǵan soń BAQ-tyń ıesi eshqashan ol baǵdarlamalardy jappaıdy», - dedi Balaeva.
"Adyrna" ulttyq portaly
