Dubaida bokstan Aziia chempionatynyŋ alǧaşqy finaldyq bäsekelerı märege jettı. Äielder arasyndaǧy synda Qazaqstan komandasy segız altyn ielenıp, jalpy esepte köş bastady, dep habarlaidy «Adyrna» tılşısı Olympic.kz-ke sılteme jasap.
Erık Alǧabek jattyqtyratyn qazaqstandyq boksşy qyzdar Aziia bırınşılıgın 8 altyn, 1 kümıs jäne 1 qola medalmen aiaqtap otyr. Bızdıŋ komanda sapynan Alua Balqybekova (48 kelı), Nazym Qyzaibai (51 kelı), Dina Jolaman (54 kelı), Rimma Volosenko (60 kelı), Milana Safronova (64 kelı), Valentina Halzova (69 kelı), Fariza Şoltai (81 kelı) jäne Läzzat Küngeibaeva (+81 kelı) chempion atandy.
Vladislava Kuhta (57 kelı) aqtyq synda sürınıp, kümıs jüldeger atansa, Marina Volnova (75 kelı) qūrlyq dodasynyŋ qola medalın taǧyndy. Būl bokstan Qazaqstan äielder komandasynyŋ rekordty körsetkışterınıŋ bırı. Būǧan deiın qazaqstandyqtar Aziia bırınşılıgınen segız altyn almaǧan bolatyn.
Erteŋ erler arasyndaǧy finaldyq jekpe-jekter ötedı. Aqtyq aiqasta Qazaqstan komandasynyŋ bes ökılı baq synaidy.
«Adyrna» ūlttyq portaly
