28 mamyrda Nūr-Sūltan qalasynyŋ qylmystyq ıster jönındegı mamandandyrylǧan audanaralyq sotynda «Astana LRT» jobasy boiynşa aiyptalǧandarǧa ükım aityldy, dep habarlaidy «Adyrna» ūlttyq portaly.
Sot ükımı boiynşa:
- Nūr-Sūltan qalasynyŋ jolauşylar kölıgı jäne avtomobil joldary basqarmasynyŋ būrynǧy jetekşısı Raşid Amanjolov 10 jylǧa bas bostandyǧynan aiyryldy. Oǧan memlekettık qyzmetpen ainalysuyna tyiym salyndy. Qauıpsızdıgı joǧary mekemede, iaǧni qataŋ rejimdegı koloniiada jazasyn öteidı;
- Nūr-Sūltan qalalyq mäslihatynyŋ hatşysy, būrynǧy deputat Janat Nūrpeiısov 8 jylǧa bas bostandyǧynan aiyryldy. Bes jyl memlekettık qyzmetpen ainalysuyna tyiym salyndy. Qauıpsızdıgı ortaşa mekemede jazasyn öteidı;
- Astana Innovations kompaniiasy basqarmasynyŋ būrynǧy töraǧasy Talǧat Äşım 7 jylǧa bas bostandyǧynan aiyryldy;
- Enşıles kompaniia ökılı Ūlyqbek Achilovqa 8 jyl türme jazasy berıldı. Qylmysker qauıpsızdıgı ortaşa mekemede jazasyn öteidı. Sonymen qatar ol 642 myŋ teŋge memleketke töleuge mındettı boldy;
- Enşıles kompaniia ökılı Timur Qasabaev 8 jylǧa bas bostandyǧynan aiyryldy. Qauıpsızdıgı ortaşa mekemede jazasyn öteidı. Ol memleket qazynasyna 574 myŋ teŋge töleuı tiıs;
- Enşıles kompaniia ökılı Dulat Müsenov 7 jylǧa bas bostandyǧynan aiyryldy. Ol memleketke 649 myŋ teŋge töleuge mındetteldı;
- Enşıles kompaniia ökılı Däuren Äbdıhamitov 8 jylǧa bas bostandyǧynan aiyryldy. Ol memleketke 15 mln teŋge töleuı tiıs. Sondai-aq ol qauıpsızdıgı ortaşa mekemede jazasyn öteidı.
Sot ükımı küşıne engen joq, ekı taraptyŋ apelliasiialyq şaǧym tüsıruge mümkındıgı bar.
"Adyrna" ūlttyq portaly
