Qazaqstanda balalar üiınıŋ sany qysqardy. Būl turaly ministr Ashat Aimaǧambetov mälım ettı. Ol soŋǧy üş jylda balalar üiınde tärbielenuşılerdıŋ sany 32%-ke (6223-ten 4254-ke deiın), al balalar üiı 30%-ke (138-den 96-ǧa deiın) qysqarǧanyn aityp jetkızdı. Būl turaly "Adyrna" ūlttyq portaly Habar 24 arnasyna sılteme jasap habarlaidy.
Bala asyrap aluşy ata-analar mektepterı jūmysynyŋ nätijesınde balalar üilerıne qaitarylǧan jetkınşekterdıŋ de sany azaidy.
Ashat Aimaǧambetov ministrlık jetım balalar men ata-anasynyŋ qamqorlyǧynsyz qalǧan balalardyŋ qūqyqtaryn qamtamasyz etu mäselelerıne erekşe nazar audaratynyn atap öttı. Jetım balalardy ornalastyruǧa järdem körsetu jönındegı ūiymdardyŋ qyzmetı, olardy akkreditteuge qoiylatyn talaptar, sondai-aq äleuettı asyrap aluşy ata-analardy mındettı daiarlau räsımderı rettelgen.
"Atalǧan şaralardy engızu balalar üiınde tärbielenetın balalar sanyn azaituǧa, sondai-aq balalar üilerıne qaitarylǧan jetkınşekterdıŋ sanyn tömendetuge mümkındık berdı. Respublikada 23 063 jetım jäne ata-anasynyŋ qamqorlyǧynsyz qalǧan bala bar, olardyŋ 81,5%-ı asyrap aluşy otbasylarda tärbielenıp jatyr", – dep atap öttı ministr Ashat Aimaǧambetov.Sondai-aq bılım jäne ǧylym ministrlıgı inkliuzivtı bılım berudı damytu üşın jūmys jürgızıp jatyr. Bılım aluda erekşe qajettılıkterı bar balalardyŋ qūrdastarymen qatar jalpy bılım beretın mektepte oquyna jaǧdai jasalyp jatyr. Biyl erekşe qajettılıkterı bar balalardy jan basyna qarjylandyru ösedı. Būl balalardyŋ basym bölıgın inkliuzivtı bılım berumen qamtuǧa mümkındık beredı. Būǧan qosa, biyl mektepterde alǧaş ret pedagog-assistent lauazymy engızıldı. Olar bılım aluda erekşe qajettılıkterı bar balalarǧa psihologiialyq jäne pedagogikalyq kömek körsetedı.
Ūqsas jaŋalyqtar
