1 milliard 51 million teŋge. Pavlodar oblysy Baianauyl audanynda salynatyn aumaǧy ülken saiabaqqa däl osyndai qarjy bölıngen. Seruendeitın orynnyŋ aşyluyn audan halqy asyǧa kütedı. Tek sol saiabaqqa ornalastyrlady degen qazaqtyŋ Jasybai men Oljabai batyrlarynyŋ eskertkışı köpşılıktıŋ qarsylyǧyn tudardy. Öitkenı tas müsınderge tym köp qarajat qarastyrylyp otyr, dep habarlaidy «Adyrna» ūlttyq portaly «İnformbiuro» baǧdarlamasyna sılteme jasap.
Būl jaŋa eskertkıştıŋ qaǧaz nūsqasy. Bolaşaqta būl maŋǧa Jasybai men Oljabai batyrlardyŋ eskertkışı bar aumaǧy ülken saiabaq salynbaq. Sebebı, zamanynda jau jaǧadan alǧanda jerın qorǧaǧan Jasybai batyr Baianauyl audanynyŋ tumasy. Al, naǧaşysy Oljabai batyr Aqmola oblysynda düniege kelgen. Ekeuı de Jasybai kölınıŋ jaǧasyndaǧy ūrystarda közge tüsken. Osyǧan bailanysty Baianauladaǧy demalys orny Jasybai batyrdyŋ atymen atalyp ketken. Al, tūrǧyndar bolsa, eskertkıştıŋ salynǧandyǧy dūrys, bıraq, būl qarajat tym köp deidı.
«1 milliard 50 mln-ǧa qazırgı jaǧdaida osyndai qyrauar aqşany jūmsap, qajet emes - dep esepteimız. Onyŋ salatyn jerı de qolaisyz. Basqa jerge saluǧa bolady. Ondai qyruar aqşa jūmsamai, keremet eskertkış ornatuǧa bolady dep esepteimız», - deidı Baianauyl auyly ardagerler keŋesınıŋ töraǧasy Tıleiǧali Musin.Al audan belsendısı Oral Sartaev būl qarajatty äleumettık mäselelerdı şeşuge jūmsau kerektıgın aitady. Sebebı eldı-mekende älı künge deiın şeşımın tappaǧan äleumettık maŋyzy bar taqyryptar jetıp artylady. Sonyŋ bırı - audan ortalyǧy Baianauylǧa kärız jüiesın tartu.
«Baianauylǧa bügıngı taŋda eŋ bırınşı kerek närse ol - kärız jüiesı. Bızdıŋ jerımız saz, balşyq emes, tastaq. Onyŋ bärı kölge barady. Ony ekologiialyq tūrǧyda däleldegenbız. Köl aqyryn-aqyryn qūryp kele jatyr. Būlai bolatyn bolsa, bır 15-20 jyldan keiın kölge şomyluǧa bolmaityndai jaǧdai bolady», - deidı Baianauyl audandyq fermerler odaǧynyŋ töraǧasy Oral Sartaev.Al audan äkımı Qanat Kärımov üşın eskertkışke 1 milliard 51 million teŋge köp emes. Onyŋ üstıne qarastyrylyp otyrǧan somanyŋ 560 million teŋgesı demeuşıler esebınen - deidı.
«Jobanyŋ qūny negızı jalpy 934 mln teŋge. 600-den astam aǧaş otyrǧyzu kerek. 2,5 myŋ şarşy metr gülzar, adamdar jüretın jolaşyqtar, 100-den astam jaryqtandyru oryndary, balalarǧa, jastarǧa arnalǧan alaŋdary bar. Endı osyndai ekı müsın. Sondyqtan, qymbat dep aityp jatqan adamdarǧa tym qymbat dep aita almaimyn», - deidı Baianauyl audanynyŋ äkımı Qanat Kärımov.Audan äkımdıgı būdan bölek Baianauylǧa kıreberıstegı stellany alyp, jaŋasyn qoiudy da josparlapty. Al jergılıktı halyq tarihi maŋyzy bar belgını auystyrudyŋ qajettıgı joqtyǧyn aitady. Dese de, joba saraptamadan ötkızılıp, konkurs jariialanyp qoiypty. Qūrylysy kelesı jyly aiaqtalady - dep kütılıp otyr.
"Adyrna" ūlttyq portaly
(foto Stan.kz saitynan)
