Almaty qalasy Dın ısterı jönındegı basqarmasy ūlttyq qūndylyqtardy nasihattau maqsatynda jüielı jūmystar jürgızıp keledı. Sonyŋ bır jarqyn ülgısı - bügıngı "El-şejıre" qory ūiymdastyrǧan bas müfti Erjan Malǧajyūlynyŋ "Dın men dästür 2" kıtabynyŋ tūsaukeserı men "Halyq mūrasy" atty dästürlı muzykalyq konsertı.
Döŋgelek üstelde ädebiettanuşy Daŋdai Ysqaq, aqyn Amanhan Älımūly, mädeniettanuşy Qali Sälsenbai, dıntanuşy Alau Ädılbaev tärızdı ziialy qauym ökılderı jaqsy pıkırlerın ortaǧa saldy. Alau Ädılbaev "Uahabizmnen Arabiianyŋ özı bas tarta bastady. Bızge ūlttyq qūndylyqtarǧa qarai būrylu kerek" dese, Müftiiattan kelgen äldebır mola "Qazır teledidarlaryn toly zinaqorlyq, mūnyŋ aqyry jaman, erteŋ uahabizmmen jylap körısetın bolasyzdar" dep özınıŋ uahabizmdı jaqtaitynyn bıldırıp aldy.
Tūsaukeserden keiın bolǧan "Halyq mūrasy" konsertı öte joǧary deŋgeide öttı. Amangeldı Küzeubai bastaǧan Qūrmanǧazy atyndaǧy Qazaq ūlttyq konservatoriianyŋ Halyq änı kafedrasy men Ramazan Stamǧaziev bastaǧan T.Jürgenov atyndaǧy Qazaq ūlttyq öner akademiiasynyŋ Dästürlı muzykalyq öner kafedrasynyŋ ūstazdary men şäkırtterı bırınen bırı asyp tüsıp öner körsettı.
Şaraǧa arnaiy şaqyrylǧan dın oquyn oqyp jürgen jastar än tyŋdamaq tügıl, özara emın-erkın äŋgımelesıp, ersılı-qarsyly kırıp-şyǧyp, tıptı sahnaǧa şyqqan dästürlı änşılerdı mazaqtap, syqylyqtap külıp özge tyŋdarmandardyŋ äbden mazasyn aldy. Olarǧa qoi deitın özderınen de bır ūstaz tabylmady. Önertanuşy, qazaq muzykalyq önerınıŋ şyn janaşyry Jūmabek Tabyn aǧamyz şydai almai ornynan tūryp: "Qazaqtyŋ töl önerın nege qūrmettemeisıŋder? Elge ruhani tärbie beretın bolaşaq moldalar emessıŋder me? Eger qazaq dästürın syilmasaŋdar, maqazaqtap, yrjaqtap otyrmai şyǧyp ketıŋder" dedı. Arada bır-ekı än aitylǧan joq, ūstazy bar, şäkırtı bar, bükıl dın adamdary oryndarynan dür etıp köterılıp syrtqa qarai ketıp bara jatty. "Konsert jürıp jatqanda būlai topyrlap şyqqanymyz mädenietsızdık boldy-au" dep bırı de qymsynbady. Konsertten asyǧyp şyqqanda bır ülken memlekettık şaruany bıtıretındei tür jasap alypty. QR Ūlttyq kıtaphana oqyrmandary men şaqyrusyz-aq konserttı ızdep kelgen tyŋdarmandar şaranyŋ soŋyna deiın otyryp än men küige jan sarailarynyŋ şölderın jaqsylap qandyryp qaitty.
Arman ÄUBÄKIR
