Şymkent qalasynda «Jasyl keŋse» respublikalyq konkursyna qatysu jäne «Jasyl keŋse» qaǧidalaryn engızu boiynşa trening öttı. Treningte ekı jylda ötken baiqaudyŋ qorytyndylary, sondai-aq «Jasyl keŋsenı» ıske asyru prinsipterı jäne üşınşı Respublikalyq baiqauǧa qatysu şarttary ūsynyldy. Sonymen qatar, qoqysty qaita öŋdeu boiynşa aqparat berıldı.
«Jasyl ekonomikany» qoldau jäne G-Global-dy damytu Koalisiiasy» ZTB QR Ekologiia, geologiia jäne tabiǧi resurstar Ministrlıgı men EQYŪ Nūr-Sūltandaǧy baǧdarlamalar ofisınıŋ qoldauymen 15 säuır men 31 tamyz aralyǧynda 10 nominasiia boiynşa Respublikalyq konkurs ötkızude. Oǧan memlekettık organdardyŋ, bılım beru, densaulyq saqtau, sauda qūrylymdarynyŋ, önerkäsıptıŋ, halyqaralyq ūiymdardyŋ, ükımettık emes ūiymdardyŋ jäne basqalardyŋ ökılderı on nominasiia boiynşa qatysa alady.
Konkursqa qatysu şarttary www.greenoffice-kaz.org saitynda jäne https://www.facebook.com/greenofficekz/ feisbuk jelılerınde körsetılgen.
«Jasyl keŋse», ädette, barlyq resurstar ünemdelgen jäne qorşaǧan ortany qorǧauǧa arnalǧan keŋse dep atalady.
Konkurs ekologiialyq ömır saltyn, «jasyl» jäne tömen kömırtektı tehnologiialardy nasihattauǧa, qoǧamdyq paidalanudaǧy ǧimarattardyŋ ekologiialylyǧyn, jailylyǧyn jäne ergonomikalyǧyn arttyruǧa, ozyq täjıribenı, üzdık tehnologiialyq şeşımderdı taratuǧa, ekologiialyq jauapty ūiymdardy brendteuge baǧyttalǧan.
Baiqaudyŋ nätijelerı 2021 jyldyŋ qazan aiynda jariialanyp, qatysuşylar sertifikattarmen, al jeŋımpazdar arnaiy syilyqtarmen marapattalady.
Şymkent qalasy äkımdıgınıŋ baspasöz qyzmetı
