(Fotoportret)
Bügın - daŋqty fototılşı Denderbai aǧanyŋ tuǧan künı! Denderbei Egızov – qazaq sport fotojurnalistikasynyŋ tölqūjaty. Qazaqylandyra tüssek, pırı ärı bıregei tūlǧasy! Alqyn-jūlqyn aqparat qyzmetınde äpter-täpterıŋdı şyǧaratyn ärıptester de, bükıl jūmysyŋdy jeŋıldetıp jıberetın adamdar da bolady. Bızdıŋ darhan köŋıl Däkeŋ osy soŋǧy toptyŋ köşın bastap jüretın edı. Ol aralasty degenşe barlyq mäselenıŋ kıltı tabyla ketedı. Baiaǧyda Hirosimaǧa bırge barǧanymyzda atom bombasyna arqasyn tosqan ataqty parkte ūlardai şulaǧan japon ūlandarynyŋ ortasynda tūrǧan Denderbai aǧaǧa qarap süisıngenımız künı keşegıdei esımızde. Sebebı, bır qaraǧanda syrtqy sipatynyŋ japon men kärısten aiyrmasy şamaly qadırlı kökemız älgı körınıske keremet kırıgıp-aq ketkenı. Sol jolǧy sapardan «Däkesı, bır top japon balalarynyŋ äkesı» degen ädemı äzıl söz bızben bırge keldı...Dender aǧa özı suretke tüsuge qūmar bolmasa da, ärıptesterı taspaǧa tartqan bırqatar dünie saqtalyp qalypty. Bırazyn äigılı fotomergennıŋ nemeresı Sanjar jetkızdı. Mol suret taǧy bır tiianaqty fotosnaiper Asylhan Äbdıraiymūlynyŋ qyryq jylǧa azyq bolatyn qazynaly qapşyǧynan şyqty.Jä, köp söilep qaitemız. Endı suretter tıl qatsyn.
Den-aǧa, qyzyq, mol jyldar...
Bauyrjan OMARŪLY
