Elorda ákimdigi Batyrhan Shúkenov eskertkishiniń eń jaqsy eskız-ıdeıasy baıqaýyn osy jyldyń maýsym aıynyń sońyna deıin uzartty, dep habarlaıdy "Adyrna" ulttyq portaly zakon.kz-ke siltep.
Ákimdiktiń habarlaýynsha, baıqaý azamattardyń qyzyǵýshylyǵy men qatysýyn eskere otyryp keńeıtildi.
Kompozıtordyń ártúrli varıaııada beınelengen jańa eskızderi paıda boldy.
Eskızder boıynsha usynystardy Birge platformasyna (https://birge-elorda.kz/nur-sultan/) - tómengi buryshyndaǵy oń jaqta «Keri baılanys» batyrmasymen sondaı-aq centerofurbanism@gmail.com meken-jaıyna jiberýge bolady. Kez-kelgen adam qatysa alady.
Qalalyq saıabaqqa talantty ánshi jáne sazger Batyrhan Shúkenovke eskertkish ornatý josparlanyp otyr. Joba demeýshilik qarajatqa júzege asyrylady.
Buǵan deıin elordada Jeńis kúni qarsańynda Keńes Odaǵynyń eki dúrkin batyry, aty ańyzǵa aınalǵan ushqysh Talǵat Bıgeldınovke eskertkish ornatylǵan bolatyn. Eskertkish Saryarqa dańǵylynyń boıynda ornalasqan (Talǵat Bıgeldınov kóshesiniń qıylysynda). Jobada músinshi Nurlan Dalbaı men sáýletshi Rasýl Satybaldıev jumys jasady. Eskertkish qola men granıtten jasalǵan. Onda Talǵat Bıgeldınov Ekinshi dúnıejúzilik soǵys kezinde ushqyshtyń formasyndaǵy jas jigit retinde beınelengen.
"Adyrna" ulttyq portaly
