Qazaq ziialylary Eskendır Hasanǧalievke "Eŋbek erı" ataǧyn berudı ūsyndy, - dep habarlaidy "Adyrna" ūlttyq portaly Tengrinews.kz saityna sıltep.
"Habar" telearnasyndaǧy "Bügın" baǧdarlamasynyŋ 4 säuırdegı şyǧarylymy Qazaqstannyŋ halyq ärtısı, änşi, kompozitor Eskendır Hasanǧalievke arnaldy. Studiiada jinalǧan ziialy qauym Hasanǧalievtı eske alyp, eŋbegın joǧary baǧalau haqynda söz qozǧady.
"Kompozitor, öner qairatkerı, öner adamy, elın süietın azamat, memleketşıl azamat qandai bolu kerek - mıne, Eskendır Hasanǧaliev osyǧan jarqyn ülgı boldy. Ol kısınıŋ eŋbegı şeksız, bır ǧana "Atamekennıŋ" özı Alty alaştyŋ beiresmi änūrany dep aitsaq bolady. Önerde sabaqtastyq degen dünie bar. Menıŋ ūǧymymda Eskendır aǧa Mūhit babamyz, Aqan serı, Bırjan sal, Mädi, Estai, bertındegı İsa Baizaqov, Ǧarifolla Qūrmanǧaliev, Kenen Äzırbaevtardyŋ laiyqty jalǧasy. Sonymen qatar, özındık erekşelıgı Eskendır aǧa än jazyp qana qoimady, ol lirikalyq bariton dauysty änşı-kompozitor. Iаǧni, sal-serılerden qalǧan mektep degen - sol", - dedı Maemirov.Ashat Maemirov Eskendır Hasanǧalievtıŋ änderın üş topqa böldı: patriottyq, ruhani qūndylyqtar turaly jäne lirikalyq änder men romanstar.
"Eskendır aǧa ölmeitın, ömırşeŋ änder, ülken mūra qaldyrdy, endıgı maqsat - onyŋ jalǧasuy. Bır ökınıştısı, osyndai ūrandy änderdı jazǧan Eskendır aǧa naǧyz Halyq Qaharmanyna laiyqty tūlǧa edı, "Eŋbek erı qandai?" dese men Eskendır Hasanǧalievtı körseter edım", - dedı ol.Sonymen qatar, Eskendır Hasanǧalievke "Eŋbek erı" ataǧyn berudı memleket jäne qoǧam qairatkerı Baqtyqoja Izmūhambetov te ūsyndy.
"Kez kelgen adam oqidy, üirenedı, mamandyǧy boiynşa jūmys ısteidı. Bıraq, än jazu, halyqty tyŋdatyp, ülken sahnada oryndau kez kelgen adamnyŋ qanyna bıtpegen närse, ol qanşa oqysa da paida bolmaidy. Ülken talant iesı, belgılı azamattardyŋ bırı Eskendır aǧamyz boldy. Aǧamyzdy qalai maqtasaq ta, qasietın, bedelın, eŋbegın qandai därejede aitsaq ta jetkıze almaspyz. Sondyqtan, Eskendır Hasanǧalievke "Qazaqstannyŋ Eŋbek erı" ataǧyn berudı ūsynamyn jäne būl ūsynys keŋınen qoldau tapsa eken deimın. Elge osynşa eŋbegı sıŋıp, qazaq önerıne osynşa üles qosyp, eŋbek qaldyrǧan azamat sol därejege laiyq dep oilaimyn", - dedı Izmūhambetov.Būl ūsynysty Qazaqstan kompozitorlar odaǧynyŋ töraǧasy Serıkjan Äbdınūrov pen Qazaqstannyŋ eŋbek sıŋırgen artisı, änşı Baǧdat Sämedinova da qoldady. Tengrinews.kz tılşısı būl ūsynysqa qatysty Eskendır Hasanǧalievtıŋ ūly Bırjan Hasanǧalievtıŋ pıkırın bıldı.
"Asyl äkemnıŋ eŋbegın baǧalap, aitylyp jatqan ūsynysty telearnadan kördım. Mūndai talantty, daryndy adamdy tırı kezınde baǧalasa, ülken marapat berse ol üşın eŋ ülken baqyt bolar edı. Osydan 15 jyl būryn berse de eşbır jan, eşbır qazaq "būl kısı mūndai joǧary marapatqa laiyqty emes", dep aitpas edı, kerısınşe, quanar edı. Bıraq, ökınışke qarai äkem ömırden ketıp qaldy, özı ketse de artynda mūra qaldy - qazaq halqyna syilaǧan änderı, ünı, dauysy. Sondyqtan, "Eŋbek erı" degen ataqty menıŋ oiymşa, beru kerek, būl degenıŋız ädıldıktıŋ eŋ joǧary satysy bolar dep esepteimın", - dedı Bırjan Hasanǧaliev.Eske salaiyq, 30 säuırde ataqty änşı jäne kompozitor Eskendır Hasanǧaliev 82 jasyna qaraǧan şaǧynda qaitys boldy.
"Adyrna" ūlttyq portaly
(foto:instagram eskendir_khassangaliev)
Ūqsas jaŋalyqtar
