Sınoptıkter 8 maýsymǵa arnalǵan aýa raıy boljamyn jarııalady, dep habarlaıdy «Qazgıdromet» RMK baspasóz qyzmeti.
«Respýblıkanyń basym bóliginde ońtústikten kelgen ıklonǵa baılanysty atmosferalyq frontaldyq bólikterdiń áserinen jańbyrmen birge naızaǵaı bolady, keı jerlerde burshaq jaýýy múmkin. Respýblıkanyń keı jerlerinde jel kúsheıip, ońtústikte shańdy daýyl, soltústikte tuman bolady», - delingen habarlamada.
Atyraý, Batys Qazaqstan, Qaraǵandy, Soltústik Qazaqstan, Almaty oblystarynda, kúndiz Aqmola oblysynyń keı jerlerinde jel 15-20 m/s kúsheıeip, burshaq jaýýy múmkin, Batys Qazaqstan oblysynda daýyl, Soltústik Qazaqstan oblysynda túnde jáne tańerteń tuman bolady.
Jambyl, Túrkistan oblystarynyń keı jerlerinde naızaǵaı, daýyl, shańdy daýyl bolyp, jel 15-20, kúndiz ekpini 25 m/s kúsheıedi. Kúndiz Jambyl oblysynyń basym bóliginde qatty ystyq bolady.
Qyzylorda oblystarynyń keı jerlerinde jel 15-20, ekpini 23-28 m/s kúsheıedi.
Mańǵystaý, Aqtóbe, Shyǵys Qazaqstan oblystarynda, kúndiz Qyzylorda, Qostanaı, Pavlodar oblystarynyń keı jerlerinde jel 15-20 m/s kúsheıedi, Qyzylorda oblysynda shańdy daýyl soǵady.
«Qyzylorda, Jambyl, Túrkistan, Aqtóbe, Qaraǵandy oblystarynyń basym bóliginde, Almaty, Atyraý, Qostanaı, Aqmola oblystarynyń keı jerlerinde, Pavlodar, Shyǵys Qazaqstan oblysynyń jekelegen aýdandarynda óte joǵary órt qaýpi saqtalady», - delingen «Qazgıdromet» habarlamasynda.
