Sinoptikter 8 mausymǧa arnalǧan aua raiy boljamyn jariialady, dep habarlaidy «Qazgidromet» RMK baspasöz qyzmetı.
«Respublikanyŋ basym bölıgınde oŋtüstıkten kelgen siklonǧa bailanysty atmosferalyq frontaldyq bölıkterdıŋ äserınen jaŋbyrmen bırge naizaǧai bolady, kei jerlerde būrşaq jauuy mümkın. Respublikanyŋ kei jerlerınde jel küşeiıp, oŋtüstıkte şaŋdy dauyl, soltüstıkte tūman bolady», - delıngen habarlamada.Atyrau, Batys Qazaqstan, Qaraǧandy, Soltüstık Qazaqstan, Almaty oblystarynda, kündız Aqmola oblysynyŋ kei jerlerınde jel 15-20 m/s küşeieıp, būrşaq jauuy mümkın, Batys Qazaqstan oblysynda dauyl, Soltüstık Qazaqstan oblysynda tünde jäne taŋerteŋ tūman bolady. Jambyl, Türkıstan oblystarynyŋ kei jerlerınde naizaǧai, dauyl, şaŋdy dauyl bolyp, jel 15-20, kündız ekpını 25 m/s küşeiedı. Kündız Jambyl oblysynyŋ basym bölıgınde qatty ystyq bolady. Qyzylorda oblystarynyŋ kei jerlerınde jel 15-20, ekpını 23-28 m/s küşeiedı. Maŋǧystau, Aqtöbe, Şyǧys Qazaqstan oblystarynda, kündız Qyzylorda, Qostanai, Pavlodar oblystarynyŋ kei jerlerınde jel 15-20 m/s küşeiedı, Qyzylorda oblysynda şaŋdy dauyl soǧady.
«Qyzylorda, Jambyl, Türkıstan, Aqtöbe, Qaraǧandy oblystarynyŋ basym bölıgınde, Almaty, Atyrau, Qostanai, Aqmola oblystarynyŋ kei jerlerınde, Pavlodar, Şyǧys Qazaqstan oblysynyŋ jekelegen audandarynda öte joǧary ört qaupı saqtalady», - delıngen «Qazgidromet» habarlamasynda.
Ūqsas jaŋalyqtar
