«Ruhani jaŋǧyrudyŋ» jaŋa kezeŋındegı jobalar jas erekşelıkterıne qarai äzırlendı – Aida Balaeva

Biyl «Ruhani jaŋǧyru» baǧdarlamasyn ūlttyq jaŋǧyru kezeŋıne köşıru jol kartasy bekıtıldı. Josparlanǧan şaralar men jobalar jas erekşelıkterıne sai äzırlendı. Būl turaly QR Aqparat jäne qoǧamdyq damu ministrı Aida Balaeva aityp berdı, dep habarlaidy «Adyrna» ūlttyq portaly QazAqparatqa sıleme jasap. «Jalpy, halyq qazaqstandyq qoǧamnyŋ transformasiiasyn qoldaidy jäne oŋ baǧalaidy. Sarapşylardyŋ pıkırınşe, «Ruhani jaŋǧyru» baǧdarlamasyn jüzege asyru kezınde qoǧamdyq sana özgere bastady. «Ruhani jaŋǧyru» baǧdarlamasyn jüzege asyrudyŋ tiımdılıgı» taqyrybyndaǧy äleumettık zertteuge säikes, baǧdarlamanyŋ alty basty baǧytynyŋ ärbırı boiynşa qoǧamda ornyqty közqaras qalyptasqanyn mälımdeuge bolady. Qoǧam ekologiialyq jaǧdaidy jaqsartuda azamattardyŋ rölı ülken ekenın tüsınedı. Būl – halyqtyŋ ekologiialyq sanasyn jetıldıru üşın ekologiialyq qozǧalystardy, aksiialardy jandandyru qajet ekenınıŋ aiǧaǧy», - dedı A. Balaeva «Sputnik Qazaqstan» portalyndaǧy sūhbatynda. Ministrdıŋ aituynşa, «Ruhani jaŋǧyru» baǧdarlamasyn ıske asyrudyŋ tört jylynda demeuşı qarajaty esebınen 280 milliard teŋge tartylǧan, 7 myŋǧa juyq nysan salynyp, jöndelgen. «Halyqty qoldauǧa 143 myŋnan astam azamat tartyldy. Eldegı qaiyrymdylyq mädenietı «Ruhani jaŋǧyru» baǧdarlamasy aiasynda jaŋa serpın aldy. Respublika boiynşa atalǧan jobalardy jüzege asyruǧa 13 myŋnan asa mesenat qatysty. Öŋırlerde memlekettık organdar, ÜEŪ, biznes pen azamattardyŋ qatysuymen auqymdy şaralar ötkızıldı. Qoǧamdyq sananyŋ jaŋǧyruyna qarai bız aitarlyqtai oŋ özgerısterdı sezınıp jatyrmyz», - deidı Aqparat ministrı. Sonymen bırge Qazaqstan azamattary öz Otanyn damytuǧa üles qosady, äleumettık jäne azamattyq jauapkerşılık artyp keledı, JOO studentterı üzdık älemdık standarttar boiynşa memlekettık tılde oqu mümkındıgıne ie, eldıŋ qasiettı jerlerıne baratyn adamdar sany artyp jatyr. «Biyl «Ruhani jaŋǧyru» baǧdarlamasyn ūlttyq jaŋǧyru kezeŋıne köşıru jol kartasy bekıtıldı. Josparlanǧan şaralar men jobalar jas erekşelıkterıne sai äzırlendı, onyŋ maqsaty – baǧdarlama mazmūnyn halyqtyŋ türlı toptaryna jetkızu. Eŋ aldymen, baǧdarlama halyqty jasy boiynşa saralanǧan türde qamtidy, äsırese, būl öskeleŋ ūrpaq pen jastarǧa qatysty bolady. Iаǧni, «Ruhani jaŋǧyru» aiasyndaǧy jobalar är jas sanatynyŋ problemalary men müddesın eskere otyryp äzırlenedı», - dep tüsındırdı Aida Balaeva. Būǧan deiın Aqparat jäne qoǧamdyq damu ministrı Aida Balaeva jurnalisterdıŋ bılıktılıgın arttyru üşın qandai şaralar jasalǧanyn baiandaǧan edı. Sondai-aq ministr memlekettık aqparattyq tapsyrystyŋ maŋyzy men jaŋa ädısterı turaly aityp berdı. Al Qazaqstan jastarynyŋ 60%-dan astamy jaŋalyqtar men oqiǧalardy äleumettık jelıler men blogtardan bıledı. Aqparat ministrı jastardyŋ resmi derekközderden maŋyzdy ärı dūrys aqparat aluy üşın qandai şaralar atqarylǧanyn aityp berdı.