Aqtöbelık Ertarǧyn Mūqanbetqaliev velosipedpen Beket atanyŋ basyna bara jatyr dep habarlaidy "Adyrna" ūlttyq portalynyŋ tılşısı.
Būl — onyŋ ekınşı sapary. Būǧan deiın ol osydan bes būryn velosipedpen Beket atanyŋ basyna baryp, ziiarat etıp qaitqan.
Ertarǧyn Mūqanbetqaliev biylǧy saparyn Täuelsızdıktıŋ 30 jyldyǧyna arnaǧan. Biylǧy jyly zeinetke şyǧatyn aqsaqal jasyna qaramastan, qos döŋgelektı kölıgımen alys saparǧa attandy. Maqsaty — Beket atanyŋ basyna baru jäne Qazaqstandy aralap şyǧu.Qazır Şopanatanyŋ basyna bır qonyp, Şaqpaqty jerınde jürgen ol bügınge deiın 2 myŋ şaqyrym jol jürıp tastaǧan. Maŋǧystau dalasyn aralap, Adai atanyŋ basyna soǧyp, Fort-Şevchenkoǧa barǧan. Ertarǧyn Mūqanbetqaliev künıne 150-180 şaqyrymǧa deiın jüredı eken. Keide aua raiy būzylsa, 30-40 şaqyrym jürıp, toqtaidy. Eŋ bastysy, ol jolai kezdesken kölıkterge mınbeidı, öz eŋbegımen jetkendı jön köredı. — Ūzyn joldyŋ boiyndaǧy dämhanalarǧa tüneimın. Olar keide dämderın tegın ūsynady. Keide tanymasa da üilerıne aparyp qonaq qylady. Keş qalsam dalada şai qainatyp ışemın. Kölıgım būzylsa, özım jöndep alamyn. Barlyq qūraldarym bar. Jolym bolyp, Beket ataǧa aman-esen jetsem, armanym joq, — deidı E.Mūqanbetqaliev.
"Adyrna" ūlttyq portaly.
