Djordjııa tehnologııalyq ınstıtýtynyń (AQSh) ǵalymdary adamnyń kóziniń qarashyǵynyń kólemi men onyń tanymdyq qabiletteriniń arasyndaǵy tyǵyz baılanysty anyqtady.
Adamnyń kóziniń qarashyǵy tek jaryqqa nemese kórýge ǵana jaýap bermeıdi, deıdi mamandar, Scientific American maqalasynda. Qarashyqtyń kólemi tolqýdy, qyzyǵýshylyqty nemese aqyl-oıdyń sarqylýyn da bildiredi eken. Kózdiń qarashyǵynyń keńeıýi men tarylýy FBR-diń jumystarynda da kerekke jarapty. Osy arqyly AQSh-tyń FBR qyzmeti talaı istiń sheshimin taýyp jatyr eken.
Zertteý jumystary qarashyqtyń kólemi aqyl-oıdaǵy proestermen de tyǵyz baılanysty ekenin kórsetti. Qarashyqtar neǵurlym úlken bolsa, adamnyń ıntellektsi soǵurlym joǵary bolady.
Eksperıment retindegi zertteýge 18-35 jas aralyǵyndaǵy 500-den astam adam qatysqan. Ǵalymdar ár qatysýshynyń qarashyǵynyń kólemin aıtrekıng ádisi kómegimen ólshedi.
Sodan keıin qatysýshylarǵa ıntellekt, logıkalyq suraqtar, belgili bir ýaqyt aralyǵynda aqparatty este saqtaý qabileti jáne alańdaýshylyq pen kedergilerge nazar aýdarý qabileti boıynsha tanymdyq synaqtar usynyldy.
"Biz qarashyqtyń úlken bazalyq kólemi mobıldi ıntellektpen, zeıindi basqarýmen jáne tómen deńgeıdegi jadynyń jumysymen baılanysty ekenin anyqtadyq. Bul mı men kózdiń ózara tyǵyz baılanysyn kórsetedi" dep otyr mamandar.
Bekbolat QARJAN,
"Adyrna" ulttyq portaly
