دجوردجيا تەحنولوگيالىق ينستيتۋتىنىڭ (اقش) عالىمدارى ادامنىڭ كوزىنىڭ قاراشىعىنىڭ كولەمى مەن ونىڭ تانىمدىق قابىلەتتەرىنىڭ اراسىنداعى تىعىز بايلانىستى انىقتادى.
ادامنىڭ كوزىنىڭ قاراشىعى تەك جارىققا نەمەسە كورۋگە عانا جاۋاپ بەرمەيدى، دەيدى ماماندار، Scientific American ماقالاسىندا. قاراشىقتىڭ كولەمى تولقۋدى، قىزىعۋشىلىقتى نەمەسە اقىل-ويدىڭ سارقىلۋىن دا بىلدىرەدى ەكەن. كوزدىڭ قاراشىعىنىڭ كەڭەيۋى مەن تارىلۋى فبر-ءدىڭ جۇمىستارىندا دا كەرەككە جاراپتى. وسى ارقىلى اقش-تىڭ فبر قىزمەتى تالاي ءىستىڭ شەشىمىن تاۋىپ جاتىر ەكەن.
زەرتتەۋ جۇمىستارى قاراشىقتىڭ كولەمى اقىل-ويداعى پروتسەستەرمەن دە تىعىز بايلانىستى ەكەنىن كورسەتتى. قاراشىقتار نەعۇرلىم ۇلكەن بولسا، ادامنىڭ ينتەللەكتسى سوعۇرلىم جوعارى بولادى.
ەكسپەريمەنت رەتىندەگى زەرتتەۋگە 18-35 جاس ارالىعىنداعى 500-دەن استام ادام قاتىسقان. عالىمدار ءار قاتىسۋشىنىڭ قاراشىعىنىڭ كولەمىن ايترەكينگ ءادىسى كومەگىمەن ولشەدى.
سودان كەيىن قاتىسۋشىلارعا ينتەللەكت، لوگيكالىق سۇراقتار، بەلگىلى ءبىر ۋاقىت ارالىعىندا اقپاراتتى ەستە ساقتاۋ قابىلەتى جانە الاڭداۋشىلىق پەن كەدەرگىلەرگە نازار اۋدارۋ قابىلەتى بويىنشا تانىمدىق سىناقتار ۇسىنىلدى.
ء"بىز قاراشىقتىڭ ۇلكەن بازالىق كولەمى ءموبيلدى ينتەللەكتپەن، زەيىندى باسقارۋمەن جانە تومەن دەڭگەيدەگى جادىنىڭ جۇمىسىمەن بايلانىستى ەكەنىن انىقتادىق. بۇل مي مەن كوزدىڭ ءوزارا تىعىز بايلانىسىن كورسەتەدى" دەپ وتىر ماماندار.
بەكبولات قارجان،
"ادىرنا" ۇلتتىق پورتالى
