Durys tamaqtanýdy neden bastaý kerek?

2123
Adyrna.kz Telegram
foto ashyq aqparat kózinen alyndy
foto ashyq aqparat kózinen alyndy

Tamaqty tańdaý densaýlyǵymyzǵa tikeleı áser etedi. Taǵam bul bizdiń múshelerimiz úshin energııa, kúsh-qýat beretini belgili. Adam aǵzasy barlyq qajetti zattardy tamaq pen sý arqyly alady. Azyq-túlik ónimderiniń quramy jáne olardyń qasıetteri densaýlyqqa, fızıkalyq damýǵa, eńbek qabilettiligine, emoıonaldy kúıine jáne jalpy ómir súrý sapasy men uzaqtyǵyna tikeleı baılanysty. Sondyqtan durys tamaqtaný - salaýatty ómir saltynyń mańyzdy sharttarynyń biri.

Saý denede - saý aqyl demekshi, deneniń barlyq ómirlik fýnkııalary: tinder men jasýshalardyń damý kózi, olardyń únemi jańarýy, adamnyń energııaǵa qanyǵýy – paıdalanǵan asqa baılanysty. Durys tamaqtanbaýdyń saldaryna fızıkalyq jáne psıhıkalyq damý deńgeıiniń tómendeýi, tez sharshaýy, qorshaǵan ortanyń qolaısyz faktorlarynyń áserine qarsy tura almaýy, tipti erte qartaıý jáne ómir súrý jasynyń tómendeýi jatady.

Endeshe, durys tamaqtanýdy neden bastaý kerek? Bastapqy 5 erejeni este saqtaý jón!

№1 ereje. Fast-fýdty máńgi umytyp, táttilerdi kóp paıdalanbaýǵa tyrysyńyz.

№2 ereje. Múmkindiginshe maýsymdyq taǵamdardy qoldanyńyz - olardyń quramynda maksımaldy qorektik zattar bar. Jylyjaılarda ósirilgen nemese alystan ákelingen qysqy kókónister men jemister hımııalyq zattarmen óńdeýdiń jáne uzaq ýaqyt saqtaýdyń arqasynda barlyq artyqshylyqtaryn joǵaltyp qana qoımaı, nıtrattar men basqa da zııandy hımııalyq qosylystardyń qaınar kózine aınalady.

№ 3 ereje. Tazartylǵan taǵamdardy paıdalanýdy shekteńiz: qant, ósimdik maıy, aq bıdaı uny, tazartylǵan aq kúrish. Olardyń quramynda as qorytý joldarynyń jumys isteýine qajet jáne ishekte turatyn paıdaly bakterııalardy tamaqtandyrý úshin óte mańyzdy kletchatka bolmaıdy. Sondyqtan aq nannyń ornyna qara nandy jep, tazartylǵan aq qantty qońyr qantpen nemese balmen almastyrýǵa bolady.

№ 4 ereje. Sýdy kóp ishińiz. Shaı, kofe jáne tátti shyryndar sýdy almastyrmaıdy. Dene kúnine 1 kg dene salmaǵyna kem degende 30-35 ml suıyqtyq alý kerek. Mysaly, 50 kg salmaqqa 1,7 l sý qajet.

№ 5 ereje. Aqýyzdy taǵamdar týraly umytpańyz. Bul sizge uzaq ýaqyt boıy qanyqtylyq sezimin bere alady, sonymen qatar aqýyzdar amınqyshqyldarǵa baı. Olar denege bulshyqet etin quryp, eskirgen jasýshalardy almastyrý úshin qajet. Aqýyzǵa baı taǵamǵa ár túrli et, balyq, kalmar, jańǵaq, sańyraýqulaq, keıbir burshaq tuqymdastary, jumyrtqa, súzbe jatady.

Osyndaı negizgi erejelerge nazar aýdaryp, aǵzańyzdy ýaqyt óte kele durys tamaqtanýǵa úıretseńiz, bolashaqta deneńiz ben densaýlyǵyńyz alǵysyn bildiredi. Biraq tamaqtaný rejımińizdi tym tez ózgertpeńiz, bul keri áserge ákelip soǵady. Siz ózgeriske josparly túrde baryp, tamaqtanýdy birtindep teńgerimge keltirgenińiz jón. Fanatıkalyq qulshynys oń nátıje bermeıdi.

Sofıa Ahmetjanova

Pikirler