Qazaqstan Respublikasynyŋ bas qalasy Nūr-Sūltanda "Qazaqstan Respublikasy Prezidentı Is Basqarmasynyŋ Medisinalyq ortalyǧy jüiesınde Qazaqstan Respublikasynyŋ Halqyna medisinalyq kömektıŋ qoljetımdılıgın qamtamasyz etu" taqyrybynda ekı kündık seminar-keŋes jūmysyn bastady.
Ortalyqtyŋ missiiasy - diagnostikanyŋ, emdeu men oŋaltudyŋ joǧary tehnologiialyq ädısterın qoldana otyryp, medisinalyq kömekke qol jetkızu arqyly qazaqstandyqtardyŋ densaulyǧyn saqtau jäne qoldau.
Ortalyqtyŋ vedomstvolyq baǧynysty ūiymdarynda bar zamanaui joǧary däldıktı apparatura, ozyq tehnologiialardy paidalanu, ǧylymi jetıstıkter men käsıbi kadrlar kardiologiialyq, nevrologiialyq jäne onkologiialyq aurulardy erte anyqtauǧa yqpal etedı.
Seminar qatysuşylary men qonaqtaryna Qazaqstan Respublikasy Prezidentı Is Basqarmasy Medisinalyq ortalyǧynyŋ basşysy Säule Qisyqova qūttyqtau söz söiledı.
Ol qazaqstandyqtardyŋ zamanaui medisinalyq qyzmetterge teŋ qol jetkızuı üşın densaulyq saqtau jüiesın damytudyŋ maŋyzdylyǧyn atap öttı:
"bıryŋǧai ūlttyq densaulyq saqtau jüiesın engızu bızdıŋ ortalyqtyŋ medisinalyq ūiymdaryna Qazaqstan Respublikasynyŋ Halqyna medisinalyq qyzmet körsetu boiynşa bäsekeles ortaǧa kıruge mümkındık berdı. Bıryŋǧai ūlttyq densaulyq saqtau jüiesınıŋ negızgı qaǧidaty pasienttıŋ därıgerdı jäne medisinalyq ūiymdy erkın taŋdau qūqyǧy bolyp tabylady. Būl qūqyqty elımızdıŋ barlyq öŋırlerınen 100 myŋnan astam azamat paidalanyp, bızdıŋ auruhanalarda em aldy".
Seminar-keŋestıŋ jūmysyna Nūr-sūltan qalasyndaǧy Q.Prezidenttık klinikasynyŋ, Almaty q. Ortalyq klinikalyq auruhanasynyŋ (Sovminka) basşylary men jetekşı mamandary, QR Densaulyq saqtau ministrlıgı men öŋırlık densaulyq saqtau basqarmalarynyŋ ökılderı, elımızdıŋ jetekşı ǦZİ ǧalymdary, Germaniia, Fransiia, Türkiia, Resei, Gruziia, Äzırbaijan, Baltyq elderınen osyndai klinikalyq baǧyttaǧy şeteldık medisinalyq ortalyqtardyŋ bedeldı mamandary qatysady.
Atalǧan ıs – şaranyŋ negızgı maqsaty - asa kürdelı aurulardy emdeudegı otandyq medisinanyŋ mümkındıkterın, äleuetı men jetıstıkterın körsetu, ortalyq auruhanalarynyŋ qyzmet baǧyttarymen tanystyru, bıregei operasiialar jürgızıletın jaŋa jabdyqtardy körsetu.
Qazaqstandyq jäne şeteldık ärıptesterdıŋ talqylaulary arasynda qazırgı zamanǧy ǧylymnyŋ innovasiialyq baǧyttarynyŋ bırı - iadrolyq medisina. Sondai-aq covid-19 pandemiiasy jaǧdaiynda densaulyq saqtau jüiesınıŋ jūmys ısteuın tiımdı ūiymdastyru.
Qazaqstan Respublikasy Prezidentı Is Basqarmasynyŋ Medisinalyq ortalyǧy tūraqty, salauatty jäne güldengen qoǧam müddesı üşın müddelı serıktestermen yntymaqtastyqqa ärqaşan aşyq!
“Adyrna” ūlttyq portaly
