Almaty oblysynda 6 balanyń anasy ózine tıesili «Kúmis alqasyn» ala almaı júr, dep habarlaıdy «Adyrna» ulttyq portaly «Eýrazııa» arnasyna silteme jasap.
Eskeldi aýdanynyń turǵyny Gúlnár Turalbaeva memlekettik nagradaǵa byltyr ótinish bergen. Arada bir jylǵa jýyq ýaqyt ótse de tıisti organdar eshqandaı jaýap joldamaǵan. Ákimdikke barsa, «kútińiz» degen sózdi ǵana estıtinin aıtty.
«Balam endigi aıda eki jasqa tolady. Maǵan tıesili «Kúmis alqany» bermeı otyr. Men jeńildikterden qaǵylyp otyrmyn. Bir jyldyń ózinde 200 myńdaı aqsha berilýi kerek edi, biraq oǵan da qol jetkize almadym», – deıdi kóp balaly ana Gúlnár Turalbaeva.
Al jergilikti ákimdiktegiler Gúlnár Turalbaevanyń ótinishin ótken jyldyń tamyzynda qabyldaǵandaryn aıtty. Barlyq qujattardy tekserip, ary qaraı tıisti organdarǵa joldaǵan. Keıin Prezıdent ákimshiliginen qujattar qaıta tekserý maqsatynda keri qaıtarylypty.
«24 jeltoqsan kúni prezıdent apparatynan qujattary qaıtyp keldi. 3-balanyń týý týraly kýáligi bazadan durys shyqpaǵan. Sodan keıin biz 14 qańtar kúni qaıtadan qujattaryn ótkizip jiberdik. 2 maýsym kúni prezıdenttiń 588-Qaýlysymen nagrajdenııa boldy. Prezıdent apparatynan alqasy kelgennen keıin, biz alqasyn ol kisige tabystaımyz», – deıdi Eskeldi aýdany ákimi apparatynyń bas mamany Marjan Manarqyzy.
"Adyrna" ulttyq portaly
