Petropavlda köpqabatty üidıŋ maŋynda ittı soiǧandardyŋ kım ekenı anyqtalyp, tergeu amaldary bastaldy, dep habarlaidy QazAqparat.
Būǧan deiın Petropavlda belgısız bıreulerdıŋ köpqabatty üidıŋ maŋynda ittı soiǧanyn aitqan edık. Beinejazba äleumettık jelıde tarady.
Soltüstık Qazaqstan oblysy polisiia departamentı baspasöz qyzmetınıŋ mälımetınşe, osy derekke qatysty Petropavlda QR QK 316-baby «Januarlarǧa qatıgezdık jasau» boiynşa sotqa deiıngı tergeu bastaldy. Qazırgı uaqytta Bırınşı polisiia bölımınıŋ qyzmetkerlerı sotqa deiıngı tergeu aiasynda jūmys ıstep jatyr.
İttı soiǧandar 42 jastaǧy er adam men 60 jastaǧy äiel. Jedel uäkılder olardy anyqtap, ūstady.
Petropavldaǧy «Fauna» qoǧamdyq bırlestıgı ökılderı de būl oqiǧa jaiynda pıkır bıldırdı.
«Bügın barlyǧy jantürşıgerlık beinajazbany kördı... Būl oŋbaǧandardy jazalap, qylmystyq jauapqa tartu üşın barynşa küş salǧan boijetkenge alǧys aitamyz. Qazır men de baryp, «Fauna» QB volonterlerı atynan aryz jazamyn. Mūndai aryzdardyŋ köp bolǧany dūrys, sonda olar jazadan qūtylyp ketpeidı.2020 jyly būl äiel bızge de kelıp it sūraǧan edı. Olardan būǧan deiın de qanşama januar zardap şeguı mümkın», - deidı volonter.
