QS World University Rankings qazaqstandyq universitetterden jalǧan statistika alyp jür me?

         Jaqynda Quacquarelli Symonds (QS) halyqaralyq reiting agenttıgı 2022 jylǧy üzdık universitetterdıŋ tızımın jariialady. Akademiialyq reitingke qazaqstandyq 14 oqu orny endı. Şynymen qazaqstandyq universitetter älemdık alma-materlerdıŋ deŋgeiınde me? Älde QS  oqu oryndarynan jalǧan statistika alyp, aldanyp jür me? Osy oraida, bılım beru salasynyŋ sarapşylary Media CLUB QAZAQSTAN platformasynda atalǧan reitingtıŋ qanşalyqty dūrys ötkızıletının talqylady. Reitingtegı joǧary oqu oryndarynyŋ pozisiiasyn anyqtau kezınde akademiialyq toptar men jūmys beruşı ūiym ökılderınen jinalǧan saualnamalardyŋ nätijelerı, sondai-aq 2015 jyldan bastap 2019 jylǧa deiıngı kezeŋdegı 14,7 million jariialanym eskerılgen.  Bıraq Akademiialyq adaldyq ligasy Hatşylyǧynyŋ basşysy Iаkov Voronkovtyŋ aituynşa, būl reitingke qatysty köptegen dauly mäseleler bar. «QS reitingındegı 40% qūrylym universitettıŋ  akademiialyq bedelınen tūrady. Akademiialyq bedelın anyqtau üşın sarapşylar arasynda saualnama jürgızıledı. Säikesınşe oqu oryndary sol sarapşylarmen naqty jūmys ıstep, özın madaqtaudy, jaqsy pıkır jazudy sūraidy.  Al 20% qūrylymy - mūǧalımderdıŋ däieksözı. Jaqynda ǧana Mäskeudegı oqu ornynyŋ bırı maqtap maqalalar jazumen  ainalysatyn zertteuşı mūǧalımdı «satyp» alǧany belgılı boldy.  QS reitingınde jūmys beruşılerden de saualnama alady. Degenmen, būl reitingtıŋ ädıldıgıne qatysty sūraqtar köp», - dedı Iаkov Voronkov. Esterıŋızde bolsa, «Atameken» ŪQP ötken jyly öz tızımın jariialaǧan bolatyn. Olar tülekterdıŋ jūmysqa ornalasuy men jalaqylarynyŋ kölemıne negızdele otyryp baǧa bergen.  Būl tızımnıŋ alǧaşqy bestıgınde älemdık reitingtı baǧyndyrǧan joǧary oqu oryndary joq. Osy oraida, QR «Atameken» ŪQP jariialaǧan reitingte bırınşı oryn alǧan M.S. Närıkbaev atyndaǧy KAZGIýU Universitetı Basqarma töraǧasy Talǧat Närıkbaev bylai deidı. «QS öz reitingınıŋ nätijesın JOO bergen aqparatqa süienıp şyǧarady, olar ony qaita teksermeidı. Bırınşı kezekte bılım  sapasyn arttyryp, reiting soŋynan qumaǧan abzal»,- deidı Talǧat Närıkbaev.