Táýelsizdiktiń 30 jyldyǵy jáne Taldyqorǵannyń oblys ortalyǵy bolǵanyna oraı oblys Jetisýdyń bas shaharyndaǵy sýret kórmesi ótti. Jeńis Ysqabaı, Shúkir Shahaı men ózgede fotograftardyń 300 ge jýyq týyndylary el nazaryna usynyldy.
Atalmysh sharaǵa Almaty oblysynyń ákimi Amandyq Batalov qatysty. Óziniń quttyqtaý sózinde, óńir basshysy el táýelsizdiginiń 30 jyldyǵymen oblys ortalyǵynyń jıyrma jyldyǵy tuspa-tus kelgenin tilge tıek etti.
Nursultan Nazarbaev basqarǵan táýelsizdik jyldarynda elimiz tolaǵaı tabystarǵa jetti, Conymen qatar Almaty oblysyda qarqyndy túrde damyp, elimizdiń áleýmettik-ekonomıkalyq jaǵynan damýyna óz úlesin qosty. Búgingi kórmede bizdiń elimiz ben oblys ortalyǵynyń qalaı kórkeıgenin kórýge bolady. 20 jyl ishindegi jetistikter bul bastamasy ǵana ekenine senemin. Taldyqorǵandy áli úlken jetistikter kútip tur. Ol úshin bizde múmkindikter kóp, - dep aıtty oblys ákimi.
Taldyqorǵandyqtar men qala qonaqtary kórmede Qazaqstannyń aıqyn jetistikterimen tanysa aldy.
- Aıta keteıik, Shúkir Shahaı sońǵy jyldary, 2002 jyldan bastap QR premer-mınıstriniń jeke fotografy retinde qyzmet atqarady. Óziniń eńbek jolyn 1990 jyldan qazirgi Egemen Qazaqstan gazetinen bastaǵan .
Búginshi kórmege ol óziniń eń tańdaýly 100 sýretin alyp kelgen. Basym bóligi Jetisý ólkesinen shyqqan azamattardyń fotosýretteri.
Sharanyń uıymdastyrýshysy Jeńis Ysqabaıdyń aıtýynsha, kórme ótkizýdegi maqsat jastarǵa tutas el men týǵan qalamyzdyń tarıhymen tanystyryp, olardy patrıottyq sezimge tárbıeleý bolyp tabylady.
"Júz ret estigenshe, bir ret kór" degen. Sol úshin biz atalǵan sharany uıymdastyrdyq. Biz oblysymyz ben el aýmaǵynda atqarylǵan isterdi kórsetkimiz keldi. Ótken men búgindi salystyrý úshin. Arhıvte qalǵan sýretter arqyly Taldyqorǵan men Qazaqstannyń kezinde qandaı bolǵanyn kórsete aldyq, - deıdi Jeńis Ysqabaı.
Esterińizge salamyz, sharanyń uıymdastyrýshylary oblystyq mádenıet basqarmasy. Aıta keteıik, kórme barysynda Qazaqstan jýrnalıster odaǵy men "Azııa-Qazaqstan" sýret klýbynyń múshesi Jeńis Ysqabaıdyń fotoalbomy kópshilikke tanystyryldy.
Sondaı-aq, kórmege qatysýshy fotograftarǵa Almaty oblysy ákiminiń alǵys haty tabystaldy.
