El Prezıdenti Qasym-Jomart Toqaev ulttyq qundylyǵymyz qumaı tazy tuqymdaryn damytý jóninde kóptegen tapsyrmalar berip, álemdik deńgeıde tanytýǵa jol ashty. Sonyń dáleli Franııa prezıdentine tazy kúshikterin syılaýy.
Osyǵan oraı elimizde tazylardy damytýǵa túrli is-sharalar júrgizilýde. 9-shy aqpan kúni Kókshetaý qalasynda Qazaqstan kınologtar odaǵy kórme ótkizip, osy óńirden 39 tazy jınaldy. Birazy aýa-raıynyń qolaısyzdyǵyna baılanysty kele almady.
Almaty, Astana qalalarynan arnaıy mamandar (ekspert-kınologtar) shaqyryldy. Kórmeniń maqsaty tazylarǵa qujat jasaý jáne óńirdegi tazy sanyn anyqtaý. Qazaqstan kınologtar odaǵy basqarmasynyń atynan jergilikti ákimshilik pen sport basqarmalarynan kórme ótetin oryn surap edi...
Qazaqstanda shet elderdegideı arnaıy úı janýarlaryna arnalǵan kórme oryndary bolmasa da, elimizdiń ózge óńirlerinde fýtzal, sportzal nemese ózgede jabyq alańdar beriledi.
Al bizdiń basshylardyń tazy janashyrlary men arnaıy mamandarǵa bergen qoımasynda (garaj) ne jylý joq, ne aıaq búgip otyratyn jer joq.
Saǵat 12.00-den 20.00-ge deıin tońyp, qatysýshylarǵa esh jaǵdaı jasalmaǵan. Ǵımarattyń ishindegi tehnıkalyq maıdyń, janarmaıdyń ıisinen kóbiniń basy aýyrdy.
Qatysýshylar arasyndaǵy úlken jastaǵy aǵalarymyzben Almaty, Astana qalasynan kelgen mamandardan uıat boldy.
Bul bizdiń basshylardyń ult qundylyǵyn saqtap júrgen janashyrlarmen mamandaryna degen kóz qarasyn ańǵartady.
Osyndaı kórmeler bolmasa tazylarymyzǵa qujat jasalmaıdy. Bizdiń óńir basshylary prezıdentimiz sııaqty tazymyz ben tazy baǵyp otyrǵan azamattarǵa jandary ashysa ǵoı. Joq, olaı bolmaı tur.
Aqpan aıynyń 25-i taǵy da kórme ótpekshi, alaıda ákimshilik tarapynan taǵy da qoldaý bolmaı tur... Kimge baryp, kimge shaǵynarymyzdy bilmeı otyrmyz...
«Kókshe qumaı tazy» qoǵamdyq birlestigi.
